ദുബൈ വ്യാപാരിയെ ആക്രമിച്ച സംഭവം: കൂടുതൽ ദൃശ്യങ്ങൾ പുറത്ത്; ഖാദർ കരിപ്പൊടിക്കെതിരെ ഗുരുതര ആരോപണം

കാസർകോട്: (KasargodVartha) ദുബൈയിൽ വ്യാപാരിയും ഉദുമ സ്വദേശിയുമായ  അബ്ദുൽ അഹദിനെ ആക്രമിച്ച സംഭവവുമായി ബന്ധപ്പെട്ട് കൂടുതൽ നിർണായക ദൃശ്യങ്ങൾ പുറത്തുവന്നു. യൂട്യൂബറായ ഖാദർ കരിപ്പൊടി അബ്ദുൽ അഹദിന്റെ രഹസ്യഭാഗത്ത് ആഞ്ഞ് ചവിട്ടുന്ന ദൃശ്യങ്ങളാണ് പുറത്തുവന്നത്. 

നിരവധി പേരുടെ സാന്നിധ്യത്തിൽ ആക്രമണം നടക്കുന്നതായി ദൃശ്യങ്ങളിൽ വ്യക്തമാണ്. സംഭവത്തിൽ വധശ്രമം ഉൾപ്പെടെയുള്ള ഗുരുതര വകുപ്പുകൾ ചുമത്തി നേരത്തെ തന്നെ പൊലീസ് കേസെടുത്തിട്ടുണ്ട്.

ക്വട്ടേഷൻ ആക്രമണമെന്നും ആരോപണം

ദുബൈയിൽ നടന്ന സാമ്പത്തിക ഇടപാടുമായി ബന്ധപ്പെട്ട തർക്കത്തിന്റെ പേരിൽ ക്വട്ടേഷൻ നൽകി തന്നെ ആക്രമിക്കുകയായിരുന്നുവെന്നാണ് അബ്ദുൽ അഹദിന്റെ പരാതി. സംസാരിക്കാനെന്ന പേരിൽ വിളിച്ചുവരുത്തിയ ശേഷം സംഘം ചേർന്ന് മർദിക്കുകയായിരുന്നുവെന്ന് അദ്ദേഹം വാർത്താസമ്മേളനത്തിൽ വ്യക്തമാക്കിയിരുന്നു. 

കേസെടുത്തതിന് പിന്നാലെ ഖാദർ കരിപ്പൊടിയും കേസിലെ മറ്റ് പ്രതികളും ഒളിവിലാണെന്ന് പൊലീസ് പറയുന്നു. പ്രതികൾ ഒളിവിൽ കഴിയുന്നതിനിടയിലും തന്നെ അപകീർത്തിപ്പെടുത്തുന്ന തരത്തിലുള്ള വീഡിയോകളും പരാമർശങ്ങളും സമൂഹമാധ്യമങ്ങളിലൂടെ പ്രചരിപ്പിക്കുകയാണെന്ന് അബ്ദുൽ അഹദ് ആരോപിച്ചു. അന്വേഷണത്തെ സ്വാധീനിക്കാനുള്ള ശ്രമമാണ് ഇതിനു പിന്നിലെന്നും അദ്ദേഹം പറഞ്ഞു.

തുടരുന്ന അന്വേഷണം

പുതിയ ദൃശ്യങ്ങൾ കൂടി പുറത്തുവന്നതോടെ കേസിൽ കൂടുതൽ തെളിവുകൾ ശേഖരിക്കാനാണ് പൊലീസിന്റെ തീരുമാനം. ദൃശ്യങ്ങളുടെ ആധികാരികത പരിശോധിച്ച ശേഷം പ്രതികൾക്കെതിരെ കൂടുതൽ നിയമനടപടികൾ സ്വീകരിക്കുമെന്ന് അന്വേഷണ ഉദ്യോഗസ്ഥർ വ്യക്തമാക്കി. പ്രതികളെ പിടികൂടാൻ ശക്തമായ തിരച്ചിൽ തുടരുകയാണെന്നും അന്വേഷണം അന്തിമ ഘട്ടത്തിലാണെന്നും പൊലീസ് അറിയിച്ചു.

പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമന്റായി രേഖപ്പെടുത്താം.

Article Summary: More incriminating footage has emerged in the case where Gulf-based businessman Abdul Ahad from Uduma was assaulted, purportedly by YouTuber Khadar Karippodi. The video shows Karippodi kicking the victim's private parts.

#KasaragodNews #KhadarKarippodi #AssaultCase #CrimeNews #PoliceInvestigation #KeralaNews #AparnaNews