കാസർകോട്ട് വൻ സ്പിരിറ്റ് വേട്ട: ഓണം ലക്ഷ്യമിട്ട കടത്ത്; മൂന്ന് പേർ പിടിയിൽ

കാസർകോട്: (KasargodVartha) ഓണക്കാലത്ത് കേരളത്തെ ലഹരിയിൽ മുക്കാനുള്ള നീക്കം തകർത്ത് കാസർകോട് പോലീസ് വൻ സ്പിരിറ്റ് വേട്ട നടത്തി. പിക്കപ്പ് വാനിൽ കടത്തുകയായിരുന്ന 1400 ലിറ്ററോളം സ്പിരിറ്റാണ് പോലീസ് പിടികൂടിയത്. സംഭവവുമായി ബന്ധപ്പെട്ട് മൂന്ന് പേർ അറസ്റ്റിലായി.

രഹസ്യ വിവരത്തിന്റെ അടിസ്ഥാനത്തിൽ അടുക്കത്ത്ബയൽ ദേശീയ പാതയിൽ വെച്ചാണ് പോലീസ് സംഘം വാഹനം തടഞ്ഞു നിർത്തി പരിശോധന നടത്തിയത്. 17 കാനുകളിലായി സൂക്ഷിച്ചിരുന്ന സ്പിരിറ്റാണ് ഇവിടെ നിന്ന് കണ്ടെടുത്തത്.

മംഗളൂരിൽ നിന്ന് എറണാകുളത്തേക്കാണ് സ്പിരിറ്റ് കടത്താൻ ശ്രമിച്ചതെന്ന് പിടിയിലായവർ പോലീസിന് മൊഴി നൽകി. കോട്ടയം സ്വദേശി തോമസ് (25), കാസർകോട് പോലീസ് സ്റ്റേഷൻ പരിധിയിലെ പ്രണവ് (24), അനുഷ് (24) എന്നിവരാണ് അറസ്റ്റിലായതെന്ന് പോലീസ് അറിയിച്ചു. 

ഓണം പ്രമാണിച്ച് സംസ്ഥാനത്ത് ലഹരിമരുന്ന് കടത്ത് വർദ്ധിക്കാൻ സാധ്യതയുണ്ടെന്ന മുന്നറിയിപ്പുകൾക്കിടെയാണ് ഈ വലിയ സ്പിരിറ്റ് വേട്ട.

ഈ വാർത്തയെക്കുറിച്ച് നിങ്ങളുടെ അഭിപ്രായം പങ്കുവെക്കുക! 

Article Summary: Kasaragod Police seized 1400 liters of spirit, arresting three.

#Kasaragod #SpiritSeizure #Onam #KeralaPolice #AntiDrugCampaign #DrugSmuggling