മയക്കുമരുന്ന് സംഘങ്ങൾക്ക് മുന്നറിയിപ്പ്: ലഹരി മാഫിയക്ക് ഇരുട്ടടി; പുതിയ കുരുക്കിൽ കാസർകോട്ട് മൂന്നാമത്തെ അറസ്റ്റ്

കാസർകോട്: (KasargodVartha) ലഹരി മാഫിയയെ അമർച്ച ചെയ്യാനുള്ള ശ്രമങ്ങൾ ശക്തമാക്കി ജില്ലാ പോലീസ്. മയക്കുമരുന്ന് കേസിൽ പ്രതിയായ ഒരാളെ കൂടി കാപ്പയ്ക്ക് സമാനമായ പിറ്റ്എൻഡിപിഎസ് (PITNDPS Act) നിയമപ്രകാരം അറസ്റ്റ് ചെയ്ത് കരുതൽ തടങ്കലിലാക്കി. ഇതോടെ ജില്ലയിൽ ഈ നിയമപ്രകാരം അറസ്റ്റിലാകുന്നവരുടെ എണ്ണം മൂന്നായി.

മധൂർ പഞ്ചായത്ത് പരിധിയിലെ അബ്ദുൾ റഹമാൻ (37) ആണ് അറസ്റ്റിലായത്. ഇയാൾ നിരവധി മയക്കുമരുന്ന് കേസുകളിൽ പ്രതിയാണ്. കാസർകോട്, വിദ്യാനഗർ പോലീസ് സ്റ്റേഷനുകളിലായി ഇയാൾക്കെതിരെ കേസുകളുണ്ട്. 

കാസർകോട് പോലീസ് സ്റ്റേഷനിലെ 896/24-ാം നമ്പർ കേസിൽ 24.15 ഗ്രാം എംഡിഎംഎയും, വിദ്യാനഗർ പോലീസ് സ്റ്റേഷനിലെ 624/21-ാം നമ്പർ കേസിൽ 2.31 ഗ്രാം എംഡിഎംഎയും 34.15 ഗ്രാം ചരസ്സും ഇയാളിൽ നിന്ന് പിടികൂടിയിരുന്നു.

കാസർകോട് ജില്ലാ പോലീസ് മേധാവി ബി. വി. വിജയ ഭരത് റെഡ്ഡിയുടെ നിർദ്ദേശാനുസരണം, കാസർകോട് ഡി വൈ എസ് പി സുനിൽ കുമാർ സി. കെ.യുടെ മേൽനോട്ടത്തിൽ കാസർകോട് പോലീസ് സ്റ്റേഷനിലെ സബ് ഇൻസ്‌പെക്ടർ അൻസാർ എൻ., രാജീവൻ കെ., എഎസ്ഐ പ്രദീപ്, ജലീൽ, സീനിയർ സിവിൽ പോലീസ് ഓഫീസർ അജയ് കെ. വി., ഡ്രൈവർ സിവിൽ പോലീസ് ഓഫീസർ ജെയിംസ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.

മയക്കുമരുന്ന് മാഫിയക്കെതിരായ പോലീസ് നടപടികളെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Summary: Kasaragod police made a third arrest under the PITNDPS Act, detaining Abdul Rahman (37), a repeat offender in drug cases, intensifying efforts to curb the drug mafia.

#Kasaragod #DrugMafia #PITNDPSAct #KeralaPolice #AntiDrugOperation #Narcotics