Death | കാസർകോട് സ്വദേശിയായ എംബിബിഎസ് വിദ്യാർത്ഥിനി കളമശ്ശേരി മെഡിക്കൽ കോളജ് ഹോസ്റ്റലിൽ മരിച്ച നിലയിൽ

കളമശ്ശേരി: (KasargodVartha) എറണാകുളം ഗവൺമെൻ്റ് മെഡിക്കൽ കോളേജ് ഹോസ്റ്റലിൽ കാസർകോട് സ്വദേശിയായ എംബിബിഎസ് വിദ്യാർത്ഥിനിയെ മരിച്ച നിലയിൽ കണ്ടെത്തി. ശനിയാഴ്ച രാത്രിയാണ് സംഭവം നടന്നത്.

നീലേശ്വരം തടിയൻ കൊവ്വലിൽ പുതിയപുരയിൽ ചന്ദ്രൻ്റെയും ഗീതയുടെയും മകളായ പി.പി. അമ്പിളിയാണ് (25) മരിച്ചത്. മെഡിക്കൽ കോളേജിലെ മൂന്നാം വർഷ എംബിബിഎസ് വിദ്യാർത്ഥിനിയായിരുന്നു അമ്പിളി.

അമ്പിളിയോടൊപ്പം ഹോസ്റ്റൽ മുറിയിൽ താമസിച്ചിരുന്ന മറ്റ് വിദ്യാർത്ഥികൾ പോലീസിന് നൽകിയ മൊഴിയിൽ പറയുന്നത്, അവർ ശനിയാഴ്ച രാത്രി ഏകദേശം 11 മണിയോടെ പുറത്തേക്ക് പോയിരുന്നു. പിന്നീട് തിരികെ എത്തിയപ്പോഴാണ് അമ്പിളിയെ തൂങ്ങി മരിച്ച നിലയിൽ കണ്ടത് എന്നാണ്. ഉടൻ തന്നെ അവർ കോളേജ് അധികൃതരെയും പോലീസിനെയും വിവരം അറിയിക്കുകയായിരുന്നു.

സംഭവത്തെ തുടർന്ന് കളമശ്ശേരി പോലീസ് അസ്വാഭാവിക മരണത്തിന് കേസ് രജിസ്റ്റർ ചെയ്ത് വിശദമായ അന്വേഷണം ആരംഭിച്ചിട്ടുണ്ട്. മരണത്തിൽ എന്തെങ്കിലും ദുരൂഹതയുണ്ടോയെന്ന് പോലീസ് സൂക്ഷ്മമായി പരിശോധിച്ചു വരികയാണ്.

ശ്രദ്ധിക്കുക: ആത്മഹത്യ ഒന്നിനും ഒരു പരിഹാരമല്ല. ജീവിതം വിലമതിക്കേണ്ടതാണ്. ആത്മഹത്യ ചിന്തകൾ ഉണ്ടെങ്കിൽ ദിശ ഹെല്പ് ഡെസ്കിൽ സഹായം തേടുക, നമ്പർ: 1056, അല്ലെങ്കിൽ iCALL- നമ്പർ: 9152987821. നിങ്ങളുടെ പ്രശ്നങ്ങൾക്ക് പരിഹാരമുണ്ട്.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക. 

A 25-year-old MBBS student from Kasaragod, P.P. Ambili, was found dead in her hostel room at the Ernakulam Government Medical College in Kalamassery on Saturday night. Her roommates discovered her body upon returning after 11 PM. Kalamassery police have registered a case of unnatural death and are investigating potential foul play.

#Kasaragod #Kalamassery #MedicalCollege #StudentDeath #KeralaNews #PoliceInvestigation