ഭാര്യയെയും ഭർത്താവിനെയും പരിക്കേൽപ്പിച്ച കേസിൽ ഒന്നാം പ്രതിക്ക് മൂന്നു വർഷം തടവ്

കാസർകോട്: (KasargodVartha) പറമ്പിൽ അതിക്രമിച്ച് കയറി ഭർത്താവിനെയും ഭാര്യയെയും കല്ലുകൊണ്ട് ആക്രമിച്ച് പരിക്കേൽപ്പിച്ച കേസിൽ ഒന്നാം പ്രതിയായ ഷിജു ബേബിക്ക് കാസർകോട് അഡീഷണൽ ജില്ലാ സെഷൻസ് കോടതി (രണ്ട്) ജഡ്ജി പ്രിയ കെ മൂന്നു വർഷം തടവും 35,000 രൂപ പിഴയും വിധിച്ചു.

പിഴയടയ്ക്കാത്ത പക്ഷം നാലുമാസം കൂടി അധികം തടവ് അനുഭവിക്കണം. കേസിലെ രണ്ടാം പ്രതി കെ.സി. ബേബിയെ കോടതി വെറുതെ വിട്ടു.

2019 മേയ് 10-ന് രാവിലെ 8.30-ഓടെയാണ് സംഭവം നടന്നത്. രാജപുരം പൊലീസ് സ്റ്റേഷൻ പരിധിയിലെ നീലിമലയിൽ താമസിക്കുന്ന ഗിരീഷ് കുമാറിനെയും ഭാര്യ സവിതാകുമാരിയെയും പ്രതികൾ ചേർന്ന് ആക്രമിക്കുകയായിരുന്നു.

സംഭവവുമായി ബന്ധപ്പെട്ട് കേസ് രജിസ്റ്റർ ചെയ്ത് അന്വേഷണം നടത്തി കുറ്റപത്രം സമർപ്പിച്ചത് രാജപുരം പൊലീസ് സ്റ്റേഷനിലെ അന്നത്തെ സബ് ഇൻസ്പെക്ടർ കെ. രാജീവനായിരുന്നു.

പ്രോസിക്യൂഷനുവേണ്ടി അഡീഷണൽ ഗവൺമെന്റ് പ്ലീഡർ ജി. ചന്ദ്രമോഹൻ, അഡ്വക്കേറ്റ് ചിത്രകല എന്നിവർ ഹാജരായി.

ഇത്തരം അക്രമ സംഭവങ്ങൾ തടയാൻ സമൂഹത്തിന് എന്തെല്ലാം ചെയ്യാൻ കഴിയും? നിങ്ങളുടെ അഭിപ്രായങ്ങൾ പങ്കുവയ്ക്കുക.

Article Summary: Man gets 3 years jail for assaulting couple.

#Kasaragod, #Crime, #Kerala, #CourtVerdict, #Justice, #AssaultCase