ലഹരിക്കെണിയിൽ കുടുങ്ങി; യുവാവിന് മൂന്ന് വർഷം കഠിനതടവും പിഴയും

കാസർകോട്: (KasargodVartha) കഞ്ചാവ് കടത്ത് കേസിൽ കാസർകോട് അഡീഷണൽ ഡിസ്ട്രിക്റ്റ് & സെഷൻസ് കോടതി (രണ്ട്) ജഡ്ജ് പ്രിയ കെ, പ്രതിക്ക് മൂന്ന് വർഷം കഠിന തടവും 20,000 രൂപ പിഴയും ശിക്ഷ വിധിച്ചു. പിഴ അടച്ചില്ലെങ്കിൽ മൂന്നുമാസം കൂടി അധിക തടവ് അനുഭവിക്കണം.

2020 ജൂൺ രണ്ടിന് രാവിലെ അഞ്ച് മണിയോടെ കുമ്പള ഭാരത് പെട്രോൾ പമ്പിന് എതിർവശം വെച്ച് കെ എൽ 42 സി 5678 നമ്പർ കാറിൽ നിന്ന് ആറ് കിലോ കഞ്ചാവുമായി പിടിയിലായ കേസിലെ രണ്ടാം പ്രതിയായ സൽമാൻ എൻ.കെ. (26) എന്നയാളെയാണ് ശിക്ഷിച്ചത്.

കുമ്പള എസ്.ഐ. വിനോദ്കുമാർ കെയും സംഘവും ചേർന്നാണ് കഞ്ചാവ് പിടികൂടുകയും പ്രതികളെ അറസ്റ്റ് ചെയ്ത് റിമാൻഡ് ചെയ്യുകയും ചെയ്തത്. തുടർന്ന് അന്നത്തെ കുമ്പള ഇൻസ്പെക്ടർ പി. പ്രമോദ് കേസിന്‍റെ അന്വേഷണം നടത്തി കുറ്റപത്രം സമർപ്പിച്ചു.

ഇതേ കേസിലെ ഒന്നാം പ്രതിക്ക് കഴിഞ്ഞ മാസം സമാനമായ ശിക്ഷ വിധിച്ചിരുന്നു. മൂന്നാം പ്രതി ഇപ്പോഴും ഒളിവിലാണ്. അഡീഷണൽ ഗവൺമെൻറ് പ്ലീഡർ ചന്ദ്രമോഹൻ ജിയും അഡ്വ. ചിത്രകലയുമാണ് പ്രോസിക്യൂഷൻ വാദം മുന്നോട്ടുവച്ചത്.

ലഹരിക്കടത്ത് കേസിലെ ഈ വിധി സമൂഹത്തിന് എന്ത് സന്ദേശമാണ് നൽകുന്നത്? നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: A man has been sentenced to 3 years imprisonment for a cannabis trafficking case in Kasaragod.

#Kasaragod #DrugTrafficking #Cannabis #KeralaPolice #CrimeNews #Sentencing