‘ഭിന്നശേഷിക്കാരെ അവഹേളിക്കുന്ന വീഡിയോ പ്രചരിപ്പിച്ചു’; ഫേസ്ബുക്ക് അക്കൗണ്ടിനെതിരെ കാസർകോട് സൈബർ പൊലീസ് കേസെടുത്തു

കാസർകോട്: (KasargodVartha) ഭിന്നശേഷിക്കാരെ സമൂഹമാധ്യമങ്ങളിലൂടെ അവഹേളിക്കുകയും അവരുടെ വൈകല്യത്തെ അധിക്ഷേപിക്കുന്ന തരത്തിലുള്ള ഉള്ളടക്കം ഉൾപ്പെടുത്തി വീഡിയോ നിർമിച്ച് പ്രചരിപ്പിക്കുകയും ചെയ്തെന്ന പരാതിയിൽ കാസർകോട് സൈബർ ക്രൈം പൊലീസ് കേസെടുത്തു. 

കള്ളാർ പെരുമ്പള്ളി സ്വദേശിയും വോയ് ഓഫ് ഡിസേബിൾഡ് കേരള സ്റ്റേറ്റ് കമ്മിറ്റി ജോയിന്റ് സെക്രട്ടറിയും ജില്ലാ സെക്രട്ടറിയുമായ കെ കെ ബാലകൃഷ്ണൻ നൽകിയ പരാതിയിലാണ് കേസ് രജിസ്റ്റർ ചെയ്തത്. വെള്ളിയാഴ്ചയാണ് കാസർകോട് സൈബർ ക്രൈം പൊലീസ് സ്റ്റേഷനിൽ എഫ്ഐആർ രജിസ്റ്റർ ചെയ്തത്. റൈറ്റ് ഓഫ് പേഴ്സൺസ് വിത്ത് ഡിസേബിലിറ്റീസ് ആക്ട്, 2016-ലെ 92(എ) വകുപ്പ് പ്രകാരമാണ് നടപടി സ്വീകരിച്ചിരിക്കുന്നത്.

ഫേസ്ബുക്ക് അക്കൗണ്ടിനെതിരെ പരാതി

പരാതിക്കാരൻ ഉൾപ്പെടെയുള്ള ഭിന്നശേഷിക്കാരെ സമൂഹമധ്യത്തിൽ അവഹേളിക്കുന്ന തരത്തിലുള്ള ഉള്ളടക്കം ഉൾപ്പെടുത്തി വീഡിയോ നിർമിക്കുകയും ഫേസ്ബുക്കിലെ 'അമീൻ കാസ്’ (Ameen caz) എന്ന അക്കൗണ്ടിലൂടെ പോസ്റ്റ് ചെയ്ത് പ്രചരിപ്പിക്കുകയും ചെയ്തുവെന്നാണ് പരാതിയിൽ പറയുന്നത്. 

ആഗസ്റ്റ് 11 മുതൽ 21 വരെയുള്ള കാലയളവിലാണ് വീഡിയോ പ്രചരിപ്പിച്ചതെന്ന് പൊലീസ് വ്യക്തമാക്കുന്നു. കള്ളാർ പഞ്ചായത്തിലെ പെരുമ്പള്ളി റോഡിലെ കരിങ്കോളി ഹൗസിൽ താമസിക്കുന്ന കെകെ ബാലകൃഷ്ണൻ, ആഗസ്റ്റ് 21-ന് രാവിലെ 11.30-ഓടെ സൈബർ ക്രൈം പൊലീസ് സ്റ്റേഷനിൽ നേരിട്ടെത്തി നൽകിയ മൊഴിയുടെ അടിസ്ഥാനത്തിലാണ് കേസ് രജിസ്റ്റർ ചെയ്തത്.

അന്വേഷണം ഊർജിതം

സംഭവവുമായി ബന്ധപ്പെട്ട് അജ്ഞാതരായ വ്യക്തികൾക്കെതിരെയാണ് കേസ്. സമൂഹമാധ്യമ അക്കൗണ്ടിൻ്റെയും വീഡിയോയുടെയും ഉറവിടം ഉൾപ്പെടെയുള്ള കാര്യങ്ങളിൽ അന്വേഷണം പുരോഗമിക്കുകയാണ്. കാസർകോട് സൈബർ ക്രൈം പൊലീസ് സ്റ്റേഷനിലെ സബ് ഇൻസ്പെക്ടർ ടി ടി നൗഷാദ് യാണ് കേസിൽ അന്വേഷണം നടത്തുന്നത്. ഭിന്നശേഷിക്കാരെ അവഹേളിക്കുന്നതും അവരുടെ വൈകല്യത്തെ അധിക്ഷേപിക്കുന്നതുമായ ഉള്ളടക്കങ്ങൾ സമൂഹമാധ്യമങ്ങളിൽ പ്രചരിപ്പിക്കുന്നതിനെതിരെ ശക്തമായ നിയമനടപടി സ്വീകരിക്കുമെന്നും കുറ്റക്കാരെ കണ്ടെത്തുമെന്നും പൊലീസ് അറിയിച്ചു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Kasaragod Cyber Crime Police registered an FIR against the Facebook account 'Ameen caz' for posting a video mocking persons with disabilities, following a complaint by Voice of Disabled functionary K. K. Balakrishnan.

#KasargodVartha #KasaragodNews #CyberCrime #VoiceOfDisabled #DisabilityRights #KeralaPolice #MalayalamNews #CrimeNews #SocialMediaFraud #AparnaNews