What was the sentence given by the Kasaragod court?

The court sentenced two individuals to one year of rigorous imprisonment and a fine of ₹20,000 each.

പ്രോസിക്യൂഷന് വേണ്ടി കോടതിയിൽ ഹാജരായത് ആരൊക്കെയാണ്?

അഡീഷണൽ ഗവൺമെന്റ് പ്ലീഡർ ജി ചന്ദ്രമോഹനും അഡ്വ. ചിത്രകലയുമാണ് പ്രോസിക്യൂഷന് വേണ്ടി ഹാജരായത്.

What was the crime committed by the accused?

They were caught smuggling 6 kg of cannabis in a pickup auto during the COVID-19 lockdown.

പ്രതികൾ പിഴ അടച്ചില്ലെങ്കിൽ എന്ത് സംഭവിക്കും?

പിഴ അടച്ചില്ലെങ്കിൽ പ്രതികൾ രണ്ട് മാസം വീതം അധിക തടവ് അനുഭവിക്കണം.

When and where were the accused arrested?

They were arrested on April 29, 2020, at Bekal Junction.

എവിടെ വെച്ചാണ് പ്രതികൾ പോലീസിന്റെ പിടിയിലായത്?

2020 ഏപ്രിൽ 29-ന് ബേക്കൽ ജംഗ്ഷനിൽ വെച്ചാണ് ഇവർ പിടിയിലായത്.

What happens if the convicts fail to pay the fine?

If they fail to pay the fine, they will have to serve an additional two months in prison.

പ്രതികൾ ചെയ്ത കുറ്റം എന്തായിരുന്നു?

കോവിഡ് ലോക്ക്ഡൗൺ കാലത്ത് പിക്കപ്പ് ഓട്ടോയിൽ ആറ് കിലോ കഞ്ചാവ് കടത്തിക്കൊണ്ടുപോകാൻ ശ്രമിച്ചു എന്നതാണ് കുറ്റം.

Who represented the prosecution in this case?

Additional Government Pleader G Chandramohan and Adv. Chitrakala represented the prosecution.

കാസർകോട് കോടതി പ്രതികൾക്ക് എന്ത് ശിക്ഷയാണ് വിധിച്ചത്?

പ്രതികൾക്ക് ഒരു വർഷം വീതം കഠിനതടവും 20,000 രൂപ വീതം പിഴയുമാണ് കോടതി വിധിച്ചത്.

കോവിഡ് ലോക്ക്ഡൗൺ കാലത്ത് 6 കിലോ കഞ്ചാവ് കടത്തിയ കേസ്; 2 പ്രതികൾക്ക് ഒരു വർഷം കഠിനതടവും പിഴയും

Whatsapp Group Whatsapp Channel

By Jessi JohnJul 1, 2026, 13:10 IST

Kasaragod court sentences two to one-year rigorous imprisonment for smuggling cannabis during lockdown

● കാസർകോട് അഡീഷണൽ ജില്ലാ സെഷൻസ് കോടതിയുടേതാണ് വിധി
● ആഷിഖ്, അസ്കർ അലി എന്നിവരാണ് ശിക്ഷിക്കപ്പെട്ടത്
● പിഴ അടച്ചില്ലെങ്കിൽ പ്രതികൾ രണ്ട് മാസം അധിക തടവ് അനുഭവിക്കണം
● ആറ് കിലോ കഞ്ചാവ് പിക്കപ്പ് ഓട്ടോയിലാണ് പ്രതികൾ കടത്തിയത്
● കേസിൽ പ്രോസിക്യൂഷനായി അഡ്വ. ചിത്രകലയും ഹാജരായി

കാസർകോട്: (KasargodVartha) കോവിഡ് ലോക്ക്ഡൗൺ നിയന്ത്രണങ്ങൾ നിലനിന്നിരുന്ന സമയത്ത് ആറ് കിലോ കഞ്ചാവ് വിൽപനയ്ക്കായി കടത്തിക്കൊണ്ടുപോകുന്നതിനിടെ പിടിയിലായ കേസിൽ രണ്ട് പ്രതികൾക്ക് ഒരു വർഷം വീതം കഠിനതടവും 20,000 രൂപ വീതം പിഴയും ശിക്ഷ വിധിച്ചു. പിഴ അടച്ചില്ലെങ്കിൽ രണ്ട് മാസം വീതം അധിക തടവ് അനുഭവിക്കണമെന്നും കാസർകോട് അഡീഷണൽ ജില്ലാ സെഷൻസ് കോടതി (രണ്ട്) ജഡ്ജ് രാമു രമേഷ് ചന്ദ്രഭാനു ഉത്തരവിട്ടു. ഹോസ്ദുർഗ് പൊലീസ് സ്റ്റേഷന്‍ പരിധിയിലെ ആഷിഖ് കെ (30), അസ്കർ അലി (32) എന്നിവരാണ് ശിക്ഷിക്കപ്പെട്ടത്.

ബേക്കലിൽ വെച്ച് പിടിയിൽ

2020 ഏപ്രിൽ 29ന് ഉച്ചയ്ക്ക് 1.15ഓടെ ബേക്കൽ പൊലീസ് സ്റ്റേഷൻ പരിധിയിലെ ബേക്കൽ ജംഗ്ഷനിൽ വെച്ചാണ് സംഭവം നടന്നത്. കോവിഡ് വ്യാപനം തടയുന്നതിനായി കേന്ദ്ര സർക്കാർ പ്രഖ്യാപിച്ച ലോക്ക്ഡൗൺ നിലവിലിരിക്കെ മുഖാവരണം ധരിക്കാതെയും നിയന്ത്രണങ്ങൾ ലംഘിച്ചും കെ എൽ 60 ക്യൂ 4202 നമ്പർ പിക്കപ്പ് ഓട്ടോയിൽ ആറ് കിലോ കഞ്ചാവ് കടത്തിക്കൊണ്ടുപോകുന്നതിനിടെയാണ് പ്രതികൾ പൊലീസ് പിടിയിലായത്.

അന്നത്തെ ബേക്കൽ സബ് ഇൻസ്പെക്ടർ പി അജിത്ത് കുമാറിൻ്റെ നേതൃത്വത്തിൽ എസ് ഐ വേണുഗോപാൽ, പൊലീസ് ഉദ്യോഗസ്ഥരായ പ്രസാദ്, ജയേഷ് എന്നിവരടങ്ങിയ സംഘമാണ് വാഹനവും കഞ്ചാവും പ്രതികളെയും പിടികൂടിയത്. തുടർന്ന് ഇൻസ്പെക്ടർമാരായ പി നാരായണൻ, നിസാം എസ് എന്നിവർ അന്വേഷണം നടത്തി. അന്വേഷണത്തിനൊടുവിൽ ഇൻസ്പെക്ടർ യു പി വിപിൻ കോടതിയിൽ കുറ്റപത്രം സമർപ്പിച്ചു.

വിചാരണക്കൊടുവിൽ പ്രോസിക്യൂഷൻ ഹാജരാക്കിയ തെളിവുകളും സാക്ഷിമൊഴികളും വിലയിരുത്തിയാണ് കോടതി പ്രതികൾ കുറ്റക്കാരാണെന്ന് കണ്ടെത്തിയത്. പ്രോസിക്യൂഷന് വേണ്ടി അഡീഷണൽ ഗവൺമെൻ്റ് പ്ലീഡർ ജി ചന്ദ്രമോഹനും അഡ്വ. ചിത്രകലയും ഹാജരായി.

ലഹരിക്കടത്ത് കേസ് സംബന്ധിച്ച ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Two individuals were sentenced to one year of rigorous imprisonment and fined ₹20,000 each by a Kasaragod court for smuggling 6 kg of cannabis during the COVID-19 lockdown in 2020.

#KasaragodNews #CannabisSeized #LockdownCrime #CourtVerdict #KeralaPolice #DrugCase #RenuNews