കഞ്ചാവ് കേസിൽ നിർണ്ണായക വിധി: പ്രതിക്ക് രണ്ട് വർഷം കഠിനതടവ്!

കാസർകോട്: (KasargodVartha) മൂന്ന് കിലോ കഞ്ചാവുമായി പിടിയിലായ പ്രതിക്ക് കാസർകോട് അഡീഷണൽ ഡിസ്ട്രിക്റ്റ് ആൻറ് സെഷൻസ് കോടതി (രണ്ട്) ജഡ്ജി പ്രിയ കെ രണ്ട് വർഷം കഠിനതടവും 20,000 രൂപ പിഴയും വിധിച്ചു. പിഴയടക്കാൻ വിസമ്മതിച്ചാൽ മൂന്ന് മാസം അധിക തടവ് അനുഭവിക്കേണ്ടിവരും.

മഞ്ചേശ്വരം പൊലീസ് സ്റ്റേഷൻ പരിധിയിലെ 42 വയസ്സുകാരനായ രാജേഷ് എന്ന രാജുവാണ് ശിക്ഷിക്കപ്പെട്ടത്. 2020 ഡിസംബർ 10-ന് വൈകുന്നേരം അഞ്ചുമണിയോടെ, മഞ്ചേശ്വരം കുഞ്ചത്തൂർ ഗീർകട്ടയിൽ വെച്ച് കെ എ 19 ഇ സി 9868 നമ്പർ ബജാജ് പൾസർ ബൈക്കിൽ കഞ്ചാവ് കടത്തുന്നതിനിടെയാണ് ഇയാൾ പിടിയിലായത്.

കുമ്പള എക്സൈസ് ഇൻസ്പെക്ടർ എൻ. നൗഫലിന്റെ നേതൃത്വത്തിലുള്ള പ്രിവന്റീവ് ഓഫീസർമാരായ രാജീവൻ പി, ജിജിത്ത്കുമാർ കെ, നസറുദീൻ എ.കെ, സത്യൻ ഇ.കെ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. 

തുടർന്ന് നടത്തിയ അന്വേഷണത്തിൽ കാസർകോട് എക്സൈസ് സർക്കിൾ ഇൻസ്പെക്ടർ ജോയ് ജോസഫ് കോടതിയിൽ കുറ്റപത്രം സമർപ്പിക്കുകയായിരുന്നു. പ്രോസിക്യൂഷനുവേണ്ടി അഡീഷണൽ ഗവൺമെൻ്റ് പ്ലീഡർ ജി. ചന്ദ്രമോഹനും അഡ്വ. ചിത്രകലയും കോടതിയിൽ ഹാജരായി.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക 

Article Summary: Man gets two years rigorous imprisonment in Kasaragod cannabis case.

 #Kasaragod #CannabisCase #CourtVerdict #DrugCase #KeralaPolice #Justice