രാജ്യവും മതവും ഏതെന്ന് ചോദിച്ചു; അമേരിക്കയിൽ ഇന്ത്യക്കാരന് നേരെ വംശീയ ആക്രമണം നടന്നതായി റിപ്പോർട്ട്, യുവാവിന് കുത്തേറ്റു

വാഷിങ്ടൻ: (KasargodVartha) അമേരിക്കയിൽ ഇന്ത്യക്കാരന് നേർക്ക് വംശീയ അധിക്ഷേപവും ആക്രമണവും നടന്നതായി റിപ്പോർട്ട്. അമേരിക്കയിലെ യൂട്ടായിലെ ഒരു മാളിൽ വെച്ചാണ് സൊഹൈൽ എന്ന യുവാവിനെ കുത്തിപ്പരിക്കേൽപ്പിച്ചത്. സംഭവത്തിൽ 48-കാരനായ പീറ്റർ മൈക്കൽ ലാർസൻ എന്ന അമേരിക്കൻ പൗരനെ കുറ്റാരോപിതനായി പൊലീസ് അറസ്റ്റ് ചെയ്തു.

ആക്രമണത്തിൻ്റെ കാരണം

മാളിൽ ഒരു ജ്വല്ലറി ബ്രാൻഡിൻ്റെ ഷോറൂമിൽ ജോലി ചെയ്യുകയാണ് സൊഹൈൽ. ഒരു കുപ്പി വെള്ളം തരാമോ എന്ന് ആവശ്യപ്പെട്ടാണ് കുറ്റാരോപിതൻ സൊഹൈലിനെ സമീപിച്ചത്. എന്നാൽ വെള്ളം എടുക്കാൻ ശ്രമിക്കവെ സൊഹൈലിനോട് മതം ഏതാണെന്നും എവിടെ നിന്നാണ് വരുന്നതെന്നും ചോദിച്ചതിന് ശേഷമാണ് കത്തികൊണ്ട് കുത്തിപ്പരിക്കേൽപ്പിച്ചതെന്നാണ് പൊലീസ് റിപ്പോർട്ട്.

വംശീയ വിദ്വേഷമാണ് ഈ ആക്രമണത്തിന് പിന്നിലെന്നാണ് പൊലീസിൻ്റെ പ്രാഥമിക നിഗമനം.

ധനസമാഹരണം ആരംഭിച്ച് സുഹൃത്തുക്കൾ

ആക്രമണത്തിന് ഇരയായ സൊഹൈൽ നിലവിൽ തീവ്രപരിചരണ വിഭാഗത്തിൽ ചികിത്സയിലാണ്. ഇദ്ദേഹത്തിൻ്റെ ആരോഗ്യനില സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.

സൊഹൈലിൻ്റെ ചികിത്സാ ചെലവുകൾ കണ്ടെത്തുന്നതിനായി സുഹൃത്തുക്കളും അഭ്യുദയകാംക്ഷികളും ചേർന്ന് 'ഗോ ഫണ്ട് മീ' വഴി ധനസമാഹരണ ക്യാമ്പയിൻ ആരംഭിച്ചിട്ടുണ്ട്.

അന്താരാഷ്ട്ര വാർത്തകള്‍ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Indian man stabbed in suspected racist attack at Utah mall; suspect arrested.

#RacistAttackUSA #IndianStabbedUtah #UtahMallAttack #JusticeForSohail #InternationalNews #NRI #HateCrime #RenuNews