ആറു വയസുകാരനെ കഴുത്തറുത്ത് കൊലപ്പെടുത്തിയ സംഭവം; ദൈവത്തിനുള്ള ബലി എന്ന് മാതാവ്

പാലക്കാട്: (www.kasargodvartha.com 07.02.2021) പാലക്കാട് ആറു വയസുകാരനെ കഴുത്തറുത്ത് കൊലപ്പെടുത്തിയ സംഭവം ദൈവത്തിനുള്ള ബലി എന്ന് മാതാവ് ഷാഹിദ. താന്‍ മകനെ ബലി നല്‍കിയെന്ന് ഷാഹിദ തന്നെയാണ് പൊലീസിനെ വിളിച്ച് അറിയിച്ചത്. ഞായറാഴ്ച പുലര്‍ച്ചെ നാലു മണിക്ക് നഗരത്തിനടുത്ത് പൂളക്കാടിലാണ് ക്രൂര സംഭവം. 

പ്രതിയെ പൊലീസ് കസ്റ്റഡിയില്‍ എടുത്തു. പുലര്‍ച്ചെ നാല് മണിയോടെയാണ് പൊലീസിന്റെ കണ്‍ട്രോള്‍ റൂമിലേക്ക് താന്‍ മകനെ ബലി നല്‍കിയെന്ന് ഷാഹിദ തന്നെ വിളിച്ചറിയിക്കുന്നത്. കണ്ണാടിയില്‍ വാഹന പരിശോധന നടത്തുകയായിരുന്ന പൊലീസ് സംഘം അപ്പോള്‍ തന്നെ പുളക്കാട്ടെ വീട്ടിലെത്തുകയായിരുന്നു. കുളിമുറിയില്‍ കൊണ്ടു പോയി കാല് കെട്ടിയിട്ട ശേഷമാണ് ആമിലിനെ മാതാവ് ഷാഹിദ കഴുത്തറത്തതെന്ന് പൊലീസ് പറയുന്നു. 

സംഭവസമയത്ത് പാര്‍സല്‍ ലോറി ഡ്രൈവറായ ഭര്‍ത്താവ് സുലൈമാനും മറ്റ് രണ്ട് ആണ്‍മക്കളും വീട്ടിലെ മറ്റൊരു മുറിയില്‍ ഉറങ്ങുകയായിരുന്നു. മദ്രസ അധ്യാപിക കൂടിയായ ഷാഹിദ മൂന്ന് മാസം ഗര്‍ഭിണിയുമാണ്. പാലക്കാട് എസ്പി ആര്‍ വിശ്വനാഥ് സ്ഥലത്തെത്തി. പൊലീസ് കസ്റ്റഡിയില്‍ എടുത്ത ഷാഹിദയെ വിശദമായി ചോദ്യം ചെയ്തു വരികയാണ്. 

Keywords: Palakkad, news, Kerala, Top-Headlines, Crime, Killed, Police, custody, Incident of 6 year old boy killed in Palakkad; Woman says sacrifice to God