ആറു വയസുകാരിയെ ജ്വല്ലറിയില്‍ വെച്ച് പീഡിപ്പിക്കാന്‍ ശ്രമിച്ച വ്യാപാരിക്ക് 5 വര്‍ഷം തടവും പിഴയും

കാസര്‍കോട്: (www.kasargodvartha.com 17.04.2019) ആറു വയസുകാരിയെ ജ്വല്ലറിയില്‍ വെച്ച് പീഡിപ്പിക്കാന്‍ ശ്രമിച്ച കേസില്‍ വ്യാപാരിയെ അഞ്ച് വര്‍ഷം തടവിനും 25,000 രൂപ പിഴയടക്കാനും കോടതി ശിക്ഷിച്ചു. പെര്‍ള ഇടിയടുക്കയിലെ ചിതാനന്ദ ആചാര്യ (50)യെയാണ് കാസര്‍കോട് ജില്ലാ അഡീ. സെഷന്‍സ് കോടതി (ഒന്ന്) ജഡ്ജ് പി എസ് ശശികുമാര്‍ ശിക്ഷിച്ചത്.

2016 സെപ്തംബര്‍ 13 നാണ് കേസിനാസ്പദമായ സംഭവം നടന്നത്. ജ്വല്ലറിയിലേക്ക് ആറു വയസുകാരിയെ പ്രലോഭിപ്പിച്ച് കൊണ്ടുവന്ന് പീഡിപ്പിക്കുകയായിരുന്നുവെന്നാണ് കേസ്. പിഴയടച്ചില്ലെങ്കില്‍ ആറു മാസം തടവ് അനുഭവിക്കണം. പിഴയടച്ചാല്‍ പിഴ തുക കുട്ടിക്ക് നല്‍കാനും കോടതി നിര്‍ദേശിച്ചു. ഇതുകൂടാതെ ഇരയ്ക്കുള്ള നഷ്ടപരിഹാര സ്‌കീമില്‍ നിന്നും കുട്ടിക്ക് നഷ്ടപരിഹാരം നല്‍കാനും കോടതി വിധിച്ചിട്ടുണ്ട്.