കരിന്തളത്ത് അനധികൃത ചെങ്കല്ല് കടത്ത്; മൂന്ന് ലോറികൾ റവന്യൂ സംഘം പിടികൂടി

നീലേശ്വരം: (KasargodVartha) അനധികൃതമായി ചെങ്കല്ല് കടത്തുകയായിരുന്ന മൂന്ന് ലോറികൾ കരിന്തളത്ത് റവന്യൂ അധികൃതർ പിടികൂടി. രണ്ട് ദിവസങ്ങളിലായി നടന്ന പരിശോധനയിലാണ് ലോറികൾ കസ്റ്റഡിയിലെടുത്തത്.

കയനിയിലെ ചെങ്കൽ പണയിൽ പരിശോധന

പരാതിയുടെ അടിസ്ഥാനത്തിൽ ആർ.ഡി.ഒ.യുടെ നിർദ്ദേശപ്രകാരം വെള്ളിയാഴ്ച കരിന്തളം കയനിയിലെ ചെങ്കൽ പണയിൽ കരിന്തളം വില്ലേജ് ഓഫീസർ കെ. രാധിക നടത്തിയ പരിശോധനയിലാണ് ആദ്യ ലോറി പിടികൂടിയത്. നവാസിന്റെ ഉടമസ്ഥതയിലുള്ള കെ എൽ 55 എ എൽ 4953 നമ്പർ ലോറിയാണ് കസ്റ്റഡിയിലെടുത്തത്.

തഹസിൽദാറുടെ നേതൃത്വത്തിൽ നടപടി

ശനിയാഴ്ച വൈകുന്നേരം വെള്ളരിക്കുണ്ട് തഹസിൽദാർ പി.വി. മുരളി, കരിന്തളം വില്ലേജ് ഓഫീസർ കെ. രാധിക എന്നിവരുടെ നേതൃത്വത്തിലുള്ള റവന്യൂ സംഘം നടത്തിയ പരിശോധനയിൽ രണ്ട് ലോറികൾ കൂടി പിടികൂടി. 

ഷാഹുൽ ഹമീദ്, മുഹമ്മദ് സിനാൻ എന്നിവരുടെ ഉടമസ്ഥതയിലുള്ള കെ എൽ 52 ആർ 2744, കെ എൽ 14 വി 8652 നമ്പർ ലോറികളാണ് റവന്യൂ സംഘം കസ്റ്റഡിയിലെടുത്തത്. പിടികൂടിയ വാഹനങ്ങൾ കരിന്തളം വില്ലേജ് ഓഫീസ് കോമ്പൗണ്ടിലേക്ക് മാറ്റി. വരും ദിവസങ്ങളിലും പരിശോധന തുടരുമെന്ന് അധികൃതർ അറിയിച്ചു.

വില്ലേജ് ഓഫീസർക്ക് പുരസ്കാരം

കാസർകോട് ജില്ലയിലെ മികച്ച വില്ലേജ് ഓഫീസർക്കുള്ള അവാർഡ് കരിന്തളം വില്ലേജ് ഓഫീസർ കെ. രാധികയ്ക്കാണ് ലഭിച്ചത്. ശനിയാഴ്ചയാണ് അവാർഡ് പ്രഖ്യാപനമുണ്ടായത്. അവാർഡ് നിറവിൽ നിൽക്കെയാണ് അനധികൃത ചെങ്കല്ല് കടത്തിനെതിരെ രാധികയുടെ നേതൃത്വത്തിൽ നടപടി ഉണ്ടായത്.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Revenue officials seized three lorries for illegal laterite stone smuggling in Karinthalam.

#Karinthalam #Nileshwaram #RevenueDepartment #LateriteStone #IllegalMining #KRadhika