വെള്ളം ചോദിച്ചെത്തിയ സ്ത്രീ അകത്തേക്കുപോയ വീട്ടമ്മയ്ക്കു പിന്നാലെയെത്തി കഴുത്തില്‍ നിന്നും സ്വര്‍ണമാല തട്ടിപ്പറിച്ച് കടന്നുകളഞ്ഞു

By Web Desk - MainJan 18, 2020, 13:48 IST

കാസര്‍കോട്: (www.kasargodvartha.com 18.01.2020) വെള്ളം ചോദിച്ചെത്തിയ സ്ത്രീ അകത്തേക്കുപോയ വീട്ടമ്മയ്ക്കു പിന്നാലെയെത്തി കഴുത്തില്‍ നിന്നും സ്വര്‍ണമാല തട്ടിപ്പറിച്ച് കടന്നുകളഞ്ഞു. പാറക്കട്ടെയിലെ ഗംഗാധരന്റെ ഭാര്യ ശ്യാമള (49)യുടെ മൂന്നു പവന്റെ കരിമണി മാലയാണ് നഷ്ടപ്പെട്ടത്. ബീഡി തൊഴിലാളിയാണ് ശ്യാമള.

കഴിഞ്ഞ ദിവസം വീട്ടിലെത്തിയ 40 വയസ് പ്രായം തോന്നിക്കുന്ന സ്ത്രീ വെള്ളം ചോദിക്കുകയും ഇതെടുക്കാന്‍ ചെന്നപ്പോള്‍ പിറകെയെത്തി കഴുത്ത് ഞെരിച്ച് മാലയും തട്ടിപ്പറിച്ച് കടന്നുകളഞ്ഞുവെന്നാണ് പരാതി. സംഭവത്തില്‍ പോലീസ് അന്വേഷണം ആരംഭിച്ചു.