കഞ്ചാവ് വില്‍പനയെ ചോദ്യം ചെയ്തതിന് അക്രമിച്ചതായി വീട്ടമ്മയുടെ പരാതി

By Web Desk - MainSep 24, 2018, 11:19 IST

കാസര്‍കോട്: (www.kasargodvartha.com 24.09.2018) വീടിന് സമീപം കഞ്ചാവ് വില്‍പന നടത്തുന്നത് ചോദ്യം ചെയ്തതിന് വീട്ടമ്മയെ അക്രമിച്ചു പരിക്കേല്‍പിച്ചതായി പരാതി. ഉപ്പള കണ്ണാടിപ്പാറയിലെ ബീവി സാറ (40)യാണ് അക്രമത്തിനിരയായത്. പരിക്കേറ്റ സാറയെ ജനറല്‍ ആശുപത്രിയില്‍ പ്രവേശിപ്പിച്ചു.

ഞായറാഴ്ച രാവിലെ 10.30 മണിയോടെയാണ് സംഭവം. വീടിന് സമീപം കഞ്ചാവ് വില്‍പന നടത്തുന്നത് പരിസരവാസികള്‍ക്ക് ഭീഷണിയായതിനാല്‍ ഇതിനെ എതിര്‍ത്തിരുന്നു. ഞായറാഴ്ച ഷാഫി എന്നയാള്‍ വീട് കയറി ആക്രമിക്കുകയായിരുന്നുവെന്ന് സാറ പരാതിപ്പെട്ടു.