മനുഷ്യത്വം മരിച്ച നിമിഷം; ദമ്പതികളെ മരുഭൂമിയിൽ വെടിവെച്ച് കൊന്നു

കറാച്ചി: (KasargodVartha) പാക്കിസ്ഥാനിലെ ബലൂചിസ്ഥാൻ പ്രവിശ്യയിൽ ദമ്പതികളെ മരുഭൂമിയിൽ കൊണ്ടുപോയി വെടിവെച്ചുകൊന്ന സംഭവത്തിൽ പൊലീസ് 14 പേരെ അറസ്റ്റ് ചെയ്തു. വാഹനത്തിൽനിന്ന് പിടിച്ചിറക്കി ഇവരെ വെടിവയ്ക്കുന്ന വീഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചതിനെത്തുടർന്നാണ് പൊലീസ് അന്വേഷണം നടത്തിയത്. കൊല്ലപ്പെട്ടവർ ഇൽസാനുള്ളയും ബാനോ ബീബിയും ആണെന്നും, മൂന്ന് ദിവസം മുൻപാണ് സംഭവം നടന്നതെന്നും പൊലീസ് കണ്ടെത്തി.

ഇത് ദുരഭിമാനക്കൊലയാണെന്നാണ് രാഷ്ട്രീയ നേതാക്കളും മനുഷ്യാവകാശ പ്രവർത്തകരും ആരോപിക്കുന്നുണ്ട്. അവിഹിതബന്ധം ആരോപിച്ച് ഒരു ഗോത്രനേതാവാണ് വധശിക്ഷ വിധിച്ചത് എന്നാണ് പ്രാഥമിക സൂചനകൾ. സംഭവം വലിയ വിവാദമായതോടെ മതപണ്ഡിതരും പൊതുസമൂഹവും പ്രതിഷേധവുമായി രംഗത്തെത്തി. പാക്കിസ്ഥാനിൽ കഴിഞ്ഞവർഷം 405 ദുരഭിമാനക്കൊലകൾ നടന്നതായി മനുഷ്യാവകാശ കമ്മിഷൻ്റെ റിപ്പോർട്ടിൽ പറയുന്നു. പൊലീസ് നൽകുന്ന വിവരങ്ങളുടെയും സാമൂഹിക മാധ്യമങ്ങളിൽ പ്രചരിക്കുന്ന ദൃശ്യങ്ങളുടെയും അടിസ്ഥാനത്തിലാണ് ഈ റിപ്പോർട്ട് തയ്യാറാക്കിയിരിക്കുന്നത്.
 

പാക്കിസ്ഥാനിൽ നടന്ന ഈ ദുരഭിമാനക്കൊല ആരോപണം സംബന്ധിച്ച വാർത്ത നിങ്ങളുടെ സുഹൃത്തുക്കളുമായി പങ്കുവെക്കുക.

Article Summary: Couple allegedly honour killed in Pakistan desert, 14 arrested.

#HonourKilling #PakistanCrime #Balochistan #JusticeForVictims #HumanRights #SocialInjustice