ട്രാൻസ് വുമൺ ദീപ്തി കല്യാണിക്കെതിരായ ആരോപണങ്ങളിൽ ഉറച്ചുനിൽക്കുന്നതായി ഇൻഫ്ലുവൻസർ 'ഹെലൻ ഓഫ് സ്പാർട്ട'; 7 പരാതികളിൽ പൊലീസ് നടപടിയെടുത്തില്ലെന്നും കുറ്റപ്പെടുത്തൽ

തൃശൂർ: (KasargodVartha) ട്രാൻസ് വുമൺ ദീപ്തി കല്യാണിക്കെതിരായ ആരോപണത്തിൽ ഉറച്ചുനിൽക്കുന്നു എന്ന് യൂട്യൂബർ 'ഹെലൻ ഓഫ് സ്പാർട്ട'. ദീപ്തിയെ പോലുള്ളവർ പുതിയ തലമുറയെ വഴിതെറ്റിക്കുന്നു എന്നാണ് താൻ പറഞ്ഞതെന്നും ഉന്നയിച്ച ആരോപണത്തിൽ വ്യക്തമായ തെളിവുകളുണ്ടെന്നും 'ഹെലൻ ഓഫ് സ്പാർട്ട' എന്ന പേരിൽ അറിയപ്പെടുന്ന എസ് ആർ ധന്യ പറഞ്ഞു. കുടുംബത്തെ ഉൾപ്പെടെ പറഞ്ഞതുകൊണ്ടാണ് മോശമായ രീതിയിൽ വീഡിയോ ചെയ്തതെന്നാണ് ഇവർ നൽകുന്ന വിശദീകരണം.

പൊലീസ് നടപടിയില്ലെന്ന് കുറ്റപ്പെടുത്തൽ

സൈബർ അധിക്ഷേപത്തിൽ താൻ നൽകിയ ഏഴ് പരാതികളിൽ പൊലീസ് നടപടി ഉണ്ടായില്ലെന്നും പൊലീസ് നടപടി ഇല്ലാത്തതുകൊണ്ടാണ് വീഡിയോയിലൂടെ മറുപടി നൽകുന്നതെന്നുമാണ് എസ് ആർ ധന്യയുടെ വാദം. 

ദീപ്തി കല്യാണിയെയും സുഹൃത്തിനെയും അധിക്ഷേപിച്ച് ഇവർ സോഷ്യൽ മീഡിയയിൽ പങ്കുവെച്ച വീഡിയോയാണ് പരാതിക്ക് കാരണമായത്. തുടർന്ന് തൃശൂർ സിറ്റി പൊലീസ് കമീഷണർക്ക് ദീപ്തി പരാതി നൽകുകയായിരുന്നു.

പരാതിയുടെ അടിസ്ഥാനത്തിൽ തൃശൂർ സിറ്റി സൈബർ പൊലീസാണ് കേസെടുത്തത്. രണ്ട് വർഷം വരെ തടവ് ലഭിക്കാവുന്ന വകുപ്പുകൾ ചുമത്തിയാണ് കേസ് രജിസ്റ്റർ ചെയ്തിരിക്കുന്നതെന്ന് പൊലീസ് വൃത്തങ്ങൾ അറിയിച്ചു.

മുൻപത്തെ കേസിലും വിശദീകരണം

നേരത്തെ മദ്യപിച്ച് വാഹനം ഓടിച്ചതിന് എസ് ആർ ധന്യക്കെതിരെ പൊലീസ് കേസെടുത്തിരുന്നു. വാഹന പരിശോധനയ്ക്കിടെ മനുഷ്യജീവന് അപകടമുണ്ടാകും വിധം വാഹനവുമായി കടന്നുകളഞ്ഞെന്നായിരുന്നു എഫ്ഐആറിൽ പറഞ്ഞിരുന്നത്. ഈ സംഭവത്തിന് പിന്നാലെയും വിശദീകരണവുമായി ധന്യ രംഗത്തെത്തിയിരുന്നു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. ഏറ്റവും പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: YouTuber 'Helen of Sparta', also known as S.R. Dhanya, stated she stands by her allegations against transwoman Deepthi Kalyani and criticized the Thrissur police for ignoring her 7 previous cyber-abuse complaints, leading her to make the controversial video.

#KasargodVartha #HelenOfSparta #DeepthiKalyani #ThrissurNews #CyberPolice #TranswomanRights #KeralaPolice #MalayalamNews #AparnaNews