‘കടം നിഷേധിച്ചതിന് ക്രൂരമർദനം’; കടയുടമയെ റോഡിലിട്ട് തല്ലിച്ചതച്ചു, ദൃശ്യങ്ങൾ പ്രചരിച്ചതോടെ കേസെടുത്ത് പൊലീസ്

ഭോപ്പാൽ: (KasargodVartha) കടമായി സിഗരറ്റ് നൽകാൻ വിസമ്മതിച്ചതിനെ തുടർന്ന് കടയുടമയെ ഒരു സംഘം യുവാക്കൾ നടുറോഡിലിട്ട് മർദിച്ചതായി പരാതി. മധ്യപ്രദേശിലെ ഭോപ്പാൽ ജില്ലയിൽ ഗ്വോളിയാറിലാണ് സംഭവം. ഗുരുതരമായി പരിക്കേറ്റ കടയുടമയുടെ പരാതിയുടെ അടിസ്ഥാനത്തിൽ പൊലീസ് കേസെടുത്ത് അന്വേഷണം ആരംഭിച്ചു.

മുല്ലു എന്ന മൂൽചന്ദ് കുഷ്‌വാഹയ്ക്കാണ് യുവാക്കളുടെ ആക്രമണത്തിൽ പരിക്കേറ്റതെന്നാണ് പൊലീസ് നൽകുന്ന വിവരം. ചൊവ്വാഴ്ച വൈകിട്ട് അഞ്ചുമണിയോടെയായിരുന്നു സംഭവം നടന്നത്. കടയിൽ ഇരിക്കുകയായിരുന്ന മുല്ലുവിനോട് ഒരു സംഘം യുവാക്കൾ കടമായി സിഗരറ്റ് ആവശ്യപ്പെട്ടു. എന്നാൽ, മുല്ലു ഇതിന് തയ്യാറായില്ല.

ഇതേത്തുടർന്ന് യുവാക്കളിൽ ഒരാളായ രാഹുൽ ശുക്ല കടയുടമയെ ചീത്തവിളിക്കാൻ തുടങ്ങിയതായും ഇത് വാക്കുതർക്കത്തിലേക്കും പിന്നീട് കയ്യാങ്കളിയിലേക്കും നീണ്ടതായും പരാതിയിൽ പറയുന്നു. തുടർന്ന് മറ്റ് രണ്ടുപേർ കൂടി ചേർന്ന് മുല്ലുവിനെ ആക്രമിച്ചു. നടുറോഡിലിട്ട് ചവിട്ടുകയും വടി ഉപയോഗിച്ച് മർദിക്കുകയും ചെയ്തതായും പരാതിയിൽ ആരോപിക്കുന്നു.

पिटने वाले युवक का कसूर सिर्फ इतना था कि उसने उधार पर सिगरेट देने से इंकार कर दिया, मामला ग्वालियर का है ... pic.twitter.com/paOBtrj5Q9

— Anurag Dwary (@Anurag_Dwary) December 10, 2025

ഈ ആക്രമണത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതോടെയാണ് സംഭവം കൂടുതൽ ശ്രദ്ധ നേടിയത്. ദൃശ്യങ്ങൾ ശ്രദ്ധയിൽപ്പെട്ടതിനെ തുടർന്നാണ് പൊലീസ് കേസ് രജിസ്റ്റർ ചെയ്തതെന്നും, പരിക്കേറ്റ കടയുടമയുടെ മൊഴിയുടെ അടിസ്ഥാനത്തിൽ പ്രതികൾക്കായി തിരച്ചിൽ ഊർജിതമാക്കിയിട്ടുണ്ടെന്നും പൊലീസ് അറിയിച്ചു. പ്രതികളെ ഉടൻ പിടികൂടുമെന്നും ‘അന്വേഷണം പുരോഗമിക്കുകയാണെ’ന്നും പൊലീസ് വ്യക്തമാക്കി.

ഈ വാർത്തയെക്കുറിച്ച് നിങ്ങളുടെ അഭിപ്രായം എന്താണ്? കമൻ്റ് ചെയ്യുക.

Article Summary: Shop owner in Bhopal attacked for refusing credit, police case filed after video viral.

#BhopalAttack #CrimeNews #ViralVideo #ShopOwner #MadhyaPradesh #PoliceCase