Scam | മൊബൈൽ ഫോൺ അനുബന്ധ ഉപകരണങ്ങളിൽ കൃത്രിമം: കേസെടുത്തു
● മൊബൈൽ ഫോൺ ചാർജറുകളുടെയും ഡാറ്റാ കേബിളുകളുടെയും നീളം കൃത്യമായി രേഖപ്പെടുത്താത്ത പാക്കേജുകൾ പിടിച്ചെടുത്തു.
● വയർലെസ് ഇയർഫോണുകളിൽ നിർമ്മാണ തീയതി തെറ്റായി രേഖപ്പെടുത്തിയിരിക്കുന്നതും വില കൂട്ടിക്കാട്ടിയതും കണ്ടെത്തി.
കാസര്കോട്: (KasargodVartha) ഓണക്കാലത്ത് വ്യാപാര സ്ഥാപനങ്ങളിൽ നടത്തിയ പരിശോധനയിൽ ലീഗൽ മെട്രോളജി വകുപ്പ് നിരവധി വ്യാജവും തെറ്റായതുമായ ഉൽപ്പന്നങ്ങൾ പിടിച്ചെടുത്തു. പ്രത്യേകിച്ച്, മൊബൈൽ ഫോൺ അനുബന്ധ ഉപകരണങ്ങളായ ചാർജർ, ഡാറ്റാ കേബിളുകൾ എന്നിവയുടെ നീളം കൃത്യമായി രേഖപ്പെടുത്താത്ത പാക്കേജുകൾ കണ്ടെത്തി. ചില കമ്പനികളുടെ പാക്കേജുകൾ പിടിച്ചെടുത്ത് കേസ് രജിസ്റ്റർ ചെയ്തു.
വയർലെസ് ഇയർഫോണുകളുടെ പാക്കേജുകളിൽ നിർമ്മാണ തീയതി തെറ്റായി രേഖപ്പെടുത്തിയിരിക്കുന്നതും വില കൂട്ടിക്കാട്ടിയതും കണ്ടെത്തി. സെപ്തംബറിൽ കടകളില് വില്ക്കുന്ന വയര്ലെസ് ഇയര് ഫോണ് പാക്കേജുകളില് നിര്മ്മാണ തീയതി (മാനിഫാക്ച്ചറിങ് ഡേറ്റ്) ഒക്ടോബര് 2024, നവംബര് 2024 എന്ന് തെറ്റായി രേഖപ്പെടുത്തിയ പാക്കേജുകള് പിടിച്ചെടുത്തു. 299 രൂപ വിലയുള്ള ഇയർഫോണുകളിൽ 499 രൂപ എന്ന് സ്റ്റിക്കർ ഒട്ടിച്ചിരിക്കുന്ന പാക്കേജുകളും പിടികൂടി.
ഡെപ്യൂട്ടി കൺട്രോളർ പി. ശ്രീനിവാസന്റെ നേതൃത്വത്തിൽ നടന്ന ഈ പരിശോധനയിൽ അസിസ്റ്റന്റ് കണ്ട്രോളര് എം. രതീഷ്, ഇന്സ്പെക്ടര്മാരായ കെ. ശശികല, കെ. എസ് രമ്യ, എസ്. വിദ്യാധരന് എന്നിവര് പങ്കെടുത്തു.
#mobileaccessoriesfraud #legalmetrology #kasaragod #consumerprotection #fakeproducts #seized #investigation
