Complaint | 4 വിദ്യാർഥിനികളെ പീഡിപ്പിച്ചെന്ന് പരാതി; അധ്യാപകനെതിരെ പോക്സോ കേസുകൾ

മഞ്ചേശ്വരം: (KasargodVartha) നാല് വിദ്യാർഥിനികളെ  പീഡിപ്പിച്ചെന്ന പരാതിയിൽ അധ്യാപകനെതിരെ പോക്സോ കേസുകൾ രജിസ്റ്റർ ചെയ്തു. മഞ്ചേശ്വരം പൊലീസ് സ്റ്റേഷൻ പരിധിയിലെ ഒരു സ്കൂളിലാണ് കേസിനാസ്പദമായ സംഭവം നടന്നത്. 10 വയസുള്ള പെൺകുട്ടികളാണ് ഇരയായത്.

സ്കൂളിൽ നടന്ന കൗൺസിലിംഗിനിടെയാണ് ആദ്യത്തെ രണ്ട് പെൺകുട്ടികൾ തങ്ങൾ നേരിട്ട ദുരനുഭവത്തെക്കുറിച്ച് തുറന്നുപറഞ്ഞത്. ഇതേത്തുടർന്ന് ചൈൽഡ് ലൈൻ മുഖേന മഞ്ചേശ്വരം പൊലീസ് അധ്യാപകനെതിരെ രണ്ട് പോക്സോ കേസുകൾ രജിസ്റ്റർ ചെയ്തു. കേസ് രജിസ്റ്റർ ചെയ്തതിനു പിന്നാലെ അധ്യാപകൻ ഒളിവിൽ പോവുകയായിരുന്നു. 

പൊലീസ് അന്വേഷണം പുരോഗമിക്കുന്നതിനിടെ സമാനമായ രീതിയിലുള്ള കൂടുതൽ വിവരങ്ങൾ പുറത്തുവന്നു. മറ്റ് രണ്ട് വിദ്യാർഥിനികൾ കൂടി ഇതേ അധ്യാപകനിൽ നിന്ന് ലൈംഗികാതിക്രമം നേരിട്ടതായി വെളിപ്പെടുത്തി. ഇതോടെ കൂടുതൽ പോക്സോ കേസുകൾ രജിസ്റ്റർ ചെയ്യുകയായിരുന്നു. നിലവിൽ നാല് പോക്സോ കേസുകളാണ് അധ്യാപകനെതിരെ രജിസ്റ്റർ ചെയ്തിരിക്കുന്നത്.

പൊലീസ് അധ്യാപകനായുള്ള അന്വേഷണം ഊർജിതമാക്കിയിട്ടുണ്ട്. ഇയാളെ കണ്ടെത്താനായി പൊലീസ് സൈബർ സെല്ലിന്റെ സഹായവും തേടിയിട്ടുണ്ട്. സംഭവത്തിൽ വിശദമായ അന്വേഷണവും പൊലീസ് നടത്തുന്നുണ്ട്.

#POCSO #ChildSafety #KeralaCrime #TeacherAbuse #Manjeswaram #PoliceInvestigation