മകളോടൊപ്പം മരിക്കാൻ ശ്രമിച്ച ഭർത്താവ്; ഒരുമിച്ച് ജീവിക്കാൻ കഴിയില്ലെന്ന് ഭാര്യ; നാലു വയസ്സുകാരി ഇനി മുത്തച്ഛന്റെ സംരക്ഷണയിൽ

മംഗളൂരു: (KasargodVartha) നാലു വയസ്സുള്ള മകളോടൊപ്പം മരിക്കാൻ ശ്രമിച്ച യുവാവിനൊപ്പം തനിക്കിനി ജീവിക്കേണ്ടെന്ന് ഭാര്യ ആവശ്യപ്പെട്ടതിനെ തുടർന്ന് കുട്ടിയെ പൊലീസ് മുത്തച്ഛന് കൈമാറി. കാവൂർ പൊലീസ് സ്റ്റേഷൻ പരിധിയിലെ അംബിക നഗറിൽ കെ രാജേഷ് (35) തനിക്കും മകൾക്കുമായി ഒരുക്കിയ തൂക്കുകയറിൽ നിന്ന് പണമ്പൂർ, കാവൂർ പൊലീസ് സംഘങ്ങൾ പുലർത്തിയ ജാഗ്രതയിലാണ് ഇരുവരെയും രക്ഷപ്പെടുത്തിയത്.

ഏഴ് വർഷം മുമ്പ് വിവാഹിതരായ രാജേഷും ഭാര്യയും തമ്മിലുള്ള തർക്കമാണ് ആത്മഹത്യാ ശ്രമത്തിന് പ്രേരിപ്പിച്ചതെന്ന് പൊലീസ് കണ്ടെത്തി. ‘ഒരുമിച്ച് മരിക്കാം’ എന്ന് പിതാവും 'വേണ്ടപ്പാ' എന്ന് കുരുന്നും പറയുന്ന വീഡിയോ രാജേഷിന്റെ കുടുംബ വാട്സ്ആപ് ഗ്രൂപ്പുകൾ വഴിയാണ് പൊലീസിൽ ലഭിച്ചത്.

രക്ഷപ്പെടുത്തിയ ശേഷം ഭാര്യാഭർത്താക്കന്മാരെ അനുനയിപ്പിക്കാൻ പൊലീസ് നടത്തിയ ശ്രമങ്ങൾ വിജയിച്ചില്ല. തങ്ങൾക്കിനി ഒരുമിച്ച് ജീവിക്കാൻ കഴിയില്ലെന്ന് ഭാര്യ ഉറപ്പിച്ചു പറഞ്ഞതിനെ തുടർന്ന് കുട്ടിയെ രാജേഷിന്റെ പിതാവിന്റെ (മുത്തച്ഛന്റെ) സംരക്ഷണയിൽ വിടാൻ പൊലീസ് തീരുമാനിക്കുകയായിരുന്നു.

ഈ വാർത്തയെക്കുറിച്ച് നിങ്ങൾക്കെന്താണ് പറയാനുള്ളത്? നിങ്ങളുടെ അഭിപ്രായങ്ങൾ കമൻ്റ് ചെയ്യുക. വാർത്ത മറ്റുള്ളവരിലേക്കും ഷെയർ ചെയ്യുക.

Article Summary: Father attempted death with 4-year-old daughter; Child handed over to grandfather after wife's refusal to reconcile.

Hashtags: #Mangaluru #DeathAttempt #ChildSafety #KeralaNews #PoliceAction #FamilyDispute