Theft | മഞ്ചേശ്വരത്ത് ഒരേ രാത്രിയിൽ 2 ആരാധനാലയങ്ങളുടെ ഭണ്ഡാരങ്ങളിൽ കവർച്ച; ദൃശ്യങ്ങൾ സിസിടിവിയിൽ പതിഞ്ഞു

മഞ്ചേശ്വരം: (KasargodVartha) ഒരേ രാത്രിയിൽ രണ്ട് ആരാധനാലയങ്ങളിൽ നിന്നും ഭണ്ഡാരങ്ങൾ കവർച്ച ചെയ്തു. വൊർക്കാടി ക്രിസ്ത്യൻ പള്ളിയിലെ രണ്ട് ഭണ്ഡാരങ്ങളും മിയാപ്പദവ് അയ്യപ്പ ഭജനമന്ദിരത്തിലെ ഒരു ഭണ്ഡാരവുമാണ് കവർച്ചക്കാർ ലക്ഷ്യമാക്കിയത്. ബുധനാഴ്ച രാവിലെയാണ് സംഭവം പുറത്തറിഞ്ഞത്.

തുടർന്ന് ആരാധനാലയ ഭാരവാഹികൾ അറിയിച്ചതിനെ തുടർന്ന് മഞ്ചേശ്വരം പൊലീസ് സ്ഥലത്തെത്തി വിശദമായ അന്വേഷണം ആരംഭിച്ചു. ഹെൽമറ്റ് ധരിച്ച് സ്‌കൂടറിൽ എത്തിയ രണ്ട് അജ്ഞാതരാണ് കവർച്ച നടത്തിയതെന്നാണ് സംശയിക്കുന്നത്. ചർച്ചിലെ സിസിടിവിയിൽ ഇരുവരുടെയും ദൃശ്യങ്ങൾ പതിഞ്ഞിട്ടുണ്ട്. ഇത് അന്വേഷണത്തിന് വലിയൊരു തുമ്പാകും.

സമീപത്തെ ഏതാനും വ്യാപാര സ്ഥാപനങ്ങളിലും കവർച്ചാശ്രമം നടന്നതായി പരാതികൾ ലഭിച്ചിട്ടുണ്ട്. പൊലീസ് നായയും വിരലടയാള വിദഗ്ധരും സ്ഥലത്തെത്തി തെളിവുകൾ ശേഖരിച്ചു. സിസിടിവി ദൃശ്യങ്ങളുടെ അടിസ്ഥാനത്തിൽ കവർച്ചക്കാരെ കണ്ടെത്താൻ പൊലീസ് ശ്രമം തുടരുകയാണ്.

#Manjeshwaram #robbery #temple #church #CCTV #police #Kerala #India