ഗണേശമണ്ഡപത്തിലെ ഭണ്ഡാരം കവര്‍ന്നു

By Web Desk - MainJan 4, 2020, 12:18 IST

നീലേശ്വരം: (www.kasargodvartha.com 04.01.2020) ഗണേശമണ്ഡപത്തിലെ ഭണ്ഡാരം കവര്‍ന്നു. പേരോല്‍ സാര്‍വജനിക ഗണേശമണ്ഡപത്തിലെ ഭണ്ഡാരമാണ് വ്യാഴാഴ്ച സന്ധ്യയോടെ മോഷണം പോയത്. ഇതുസംബന്ധിച്ച് ട്രസ്റ്റ് സെക്രട്ടറി എന്‍ ഉദയശങ്കര്‍ പൈ നല്‍കിയ പരാതിയില്‍ നീലേശ്വരം പോലീസ് അന്വേഷണം ആരംഭിച്ചു. തൊട്ടടുത്ത വള്ളിക്കുന്ന് മഹേശ്വരി ക്ഷേത്രത്തില്‍ കുറച്ചുദിവസങ്ങള്‍ക്കുമുമ്പ് മോഷണശ്രമം നടന്നിരുന്നു.

ഈ പ്രദേശങ്ങളില്‍ മോഷണം പെരുകിയതായും പോലീസ് പട്രോളിംഗ് ശക്തമാക്കണമെന്നുമാണ് നാട്ടുകാരുടെ ആവശ്യം.