ധർമ്മസ്ഥലയിൽ മനുഷ്യ അവശിഷ്ടങ്ങൾ കണ്ടെത്താനായില്ല: വെളിപ്പെടുത്തിയ ആൾ അറസ്റ്റിൽ

മംഗളൂരു: (KasargodVartha) ധർമ്മസ്ഥലയിൽ നടന്ന ഞെട്ടിക്കുന്ന കൂട്ട മൃതദേഹസംസ്‌കാരത്തെക്കുറിച്ച് വെളിപ്പെടുത്തൽ നടത്തിയ അജ്ഞാതനെ പ്രത്യേക അന്വേഷണ സംഘം (എസ്ഐടി) ശനിയാഴ്ച അറസ്റ്റ് ചെയ്തു. 

കോടതി അനുവദിച്ച സാക്ഷി സംരക്ഷണം പിൻവലിക്കുകയും വെളിപ്പെടുത്തൽ ശരിവെക്കുന്ന മനുഷ്യ ജഡാവശിഷ്ടങ്ങൾ ഖനനത്തിൽ കണ്ടെത്താൻ സാധിക്കാതെ വരികയും ചെയ്ത സാഹചര്യത്തിലാണ് അറസ്റ്റ്.

ബലാത്സംഗം ചെയ്ത് കൊലപ്പെടുത്തിയ പെൺകുട്ടികളുടേയും യുവതികളുടേയും നൂറിലേറെ മൃതദേഹങ്ങൾ താൻ നിർബന്ധിതനായി കുഴിച്ചുമൂടി എന്നായിരുന്നു ഇയാളുടെ വെളിപ്പെടുത്തൽ.

പരാതിക്കാരന് മംഗളൂരു കോംപിറ്റന്റ് അതോറിറ്റി നൽകിയ സാക്ഷിസംരക്ഷണം പിൻവലിച്ചതായി എസ്ഐടി വൃത്തങ്ങൾ അറിയിച്ചു. ഇതേത്തുടർന്ന്, വെള്ളിയാഴ്ച രാവിലെ ഇയാളെ വിശദമായ ചോദ്യം ചെയ്യലിനായി എസ്ഐടി ഓഫീസിലേക്ക് കൊണ്ടുപോവുകയും തുടർന്ന് ശനിയാഴ്ച രാവിലെ അറസ്റ്റ് ചെയ്യുകയുമായിരുന്നു. ശനിയാഴ്ച രാവിലെ 11 മണിയോടെ ഇയാളെ ബെൽത്തങ്ങാടി കോടതിയിൽ ഹാജരാക്കി.

ഈ വിഷയത്തെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെയ്ക്കൂ.

Article Summary: Man arrested for false claims of mass burials at Dharmasthala.

#Dharmasthala, #Mangaluru, #SIT, #Karnataka, #FalseClaims, #Arrest