അച്ചാംതുരുത്തിയിൽ സിപിഎം ഓഫീസിനു നേരെ പടക്കമേറ്; യൂത്ത് കോൺഗ്രസ് നേതാവിനെതിരെ പരാതി; ഡിവൈഎഫ്ഐ പ്രവർത്തകയ്ക്ക് പരിക്ക്

ചെറുവത്തൂർ: (KasargodVartha) അച്ചാംതുരുത്തിയിൽ സി പി എം ബ്രാഞ്ച് കമ്മിറ്റി ഓഫീസ് പ്രവർത്തിക്കുന്ന അഴീക്കോടൻ സ്പോർട്‌സ് ക്ലബ്ബ്, സ്വദേശാഭിമാനി കലാലയം എന്നിവയ്ക്ക് നേരെ പടക്കം എറിഞ്ഞതായി പരാതി. സംഭവത്തെക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്.

യൂത്ത് കോൺഗ്രസ് നേതാവിനെതിരെ പരാതി

യൂത്ത് കോൺഗ്രസ് നേതാവാണ് പടക്കമെറിഞ്ഞതെന്നാണ് സി പി എം കേന്ദ്രങ്ങൾ നൽകുന്ന പരാതി. വള്ളുവൻ കടവിൽ ഞായറാഴ്ച നടന്ന ജലോത്സവത്തിൽ വിജയം നേടിയെന്ന് അവകാശപ്പെട്ടുള്ള ആഹ്ലാദപ്രകടനത്തിൻ്റെ മറവിൽ ക്ലബ്ബിന് നേരെ ആക്രമണം നടത്തിയതെന്നാണ് ആക്ഷേപം ഉയർന്നിരിക്കുന്നത്.

ഡിവൈഎഫ്ഐ പ്രവർത്തകയ്ക്ക് പരിക്ക്

ഓഫീസിന് നേരെയുണ്ടായ ആക്രമണം ചെറുക്കാനെത്തിയ പ്രദേശത്തെ സ്ത്രീകൾ ഉൾപ്പെടെയുള്ളവരെയും ആക്രമിച്ചതായി സി പി എം കേന്ദ്രങ്ങൾ പറയുന്നു. ആക്രമണത്തിൽ പരിക്കേറ്റ ഡി വൈ എഫ് ഐ പ്രവർത്തക ബബിത ജിബിനെ ചെറുവത്തൂരിലെ ഒരു ആശുപത്രിയിൽ പ്രവേശിപ്പിച്ചു.

സിപിഎം പ്രതിഷേധിച്ചു

വള്ളംകളിയുടെ ആഹ്ലാദപ്രകടനത്തിന്റെ മറവിൽ പാർട്ടി ഓഫീസിനും വനിതാ പ്രവർത്തകർക്കും എതിരെ നടത്തിയ ആക്രമണത്തിൽ സി പി എം അച്ചാംതുരുത്തി ബ്രാഞ്ച് കമ്മിറ്റി ശക്തമായ പ്രതിഷേധം അറിയിച്ചു. പരിക്കേറ്റ് ചികിത്സയിലുള്ള ബബിതയെ സി പി എം ചെറുവത്തൂർ ഏരിയ സെക്രട്ടറി കെ ബാലകൃഷ്ണൻ, ഏരിയ കമ്മിറ്റി അംഗങ്ങളായ ടി നാരായണൻ, കമലാക്ഷൻ, തുരുത്തി ലോക്കൽ സെക്രട്ടറി പി വി കൃഷ്ണൻ, ലോക്കൽ കമ്മിറ്റി അംഗം സി നാരായണി, ഡി വൈ എഫ് ഐ ചെറുവത്തൂർ ബ്ലോക്ക് കമ്മിറ്റി അംഗം രാംദാസ് എന്നിവർ ആശുപത്രിയിലെത്തി സന്ദർശിച്ചു.
 

വള്ളംകളി പോലുള്ള ആഘോഷങ്ങൾ രാഷ്ട്രീയ ആക്രമണങ്ങൾക്ക് മറയാകുന്നുണ്ടോ? നിങ്ങളുടെ അഭിപ്രായം അറിയിക്കുക.

Article Summary: Firecracker thrown at CPM office in Cheruvathur; DYFI activist injured.

#Cheruvathur #CPMAttack #PoliticalViolence #KasaragodNews #DYFIAttack #YouthCongress