വിവാഹവീട്ടില്‍ വധുവിന്റെ ബന്ധു ദേഹത്ത് തട്ടിയെന്നാരോപിച്ച് അക്രമവും കത്തിക്കുത്തും; 5 പേര്‍ ആശുപത്രിയില്‍

By Web Desk - MainMay 5, 2019, 21:35 IST

തൃശൂര്‍: (www.kasargodvartha.com 05.05.2019) വിവാഹവീട്ടില്‍ വധുവിന്റെ ബന്ധു ദേഹത്ത് തട്ടിയെന്നാരോപിച്ച് അക്രമവും കത്തിക്കുത്തും. പരിക്കേറ്റ അഞ്ചു പേരെ ആശുപത്രിയില്‍ പ്രവേശിപ്പിച്ചു. തൃശൂര്‍ ഇരിങ്ങാലക്കുടയിലാണ് സംഭവം. വധുവിന്റെ ബന്ധു ദേഹത്ത് തട്ടി എന്നാരോപിച്ച് വരന്റെ അയല്‍വാസി രംഗത്തെത്തിയതോടെയാണ് തര്‍ക്കമുണ്ടായത്.

തുടര്‍ന്ന് ആക്രമണമുണ്ടാവുകയും കത്തിക്കുത്തില്‍ കലാശിക്കുകയുമായിരുന്നു. വധുവിന്റെ രണ്ട് സഹോദരങ്ങള്‍ ഉള്‍പ്പടെ അഞ്ച് പേരെയാണ് പരിക്കുകളോടെ ആശുപത്രിയില്‍ പ്രവേശിപ്പിച്ചിരിക്കുന്നത്. സംഭവത്തില്‍ പോലീസ് അന്വേഷണം ആരംഭിച്ചു.