കൊടിനശിപ്പിച്ചതിന്റെ പേരില്‍ പരസ്യമായി കൊടികത്തിക്കലും സംഘര്‍ഷാവസ്ഥയും; പോലീസെത്തി സ്ഥിതി ശാന്തമാക്കി

By Web Desk SNDec 20, 2017, 14:33 IST

മഞ്ചേശ്വരം: (www.kasargodvartha.com 20.12.2017) മഞ്ചേശ്വരം കുഞ്ചത്തൂരില്‍ രാത്രി കൊടിനശിപ്പിച്ചതിനെ തുടര്‍ന്ന് മറുവിഭാഗം രാവിലെ കൂട്ടമായെത്തി പരസ്യമായി കൊടികത്തിച്ചു. ഇതേതുടര്‍ന്ന് സംഘര്‍ഷാവസ്ഥ ഉടലെടുത്തതിനാല്‍ പോലീസ് സ്ഥിതി ശാന്തമാക്കി. കഴിഞ്ഞ ദിവസം രാത്രിയാണ് കുഞ്ചത്തൂര്‍ ടൗണില്‍ സ്ഥാപിച്ച കൊടിതോരണങ്ങള്‍ അജ്ഞാതര്‍ നശിപ്പിച്ചത്. ഇതോടെ പ്രകോപിതരായ മറുവിഭാഗം രാവിലെ കൂട്ടമായി എത്തുകയും അവിടെയുണ്ടായിരുന്ന മറ്റു കൊടികള്‍ കത്തിക്കുകയുമായിരുന്നു.

ഇതോടെ സംഘര്‍ഷാവസ്ഥ ഉടലെടുത്തെങ്കിലും പോലീസിന്റെ സമയോചിതമായ ഇടപെടലിനെ തുടര്‍ന്ന് രംഗം ശാന്തമാക്കുകയായിരുന്നു. സ്ഥലത്ത് വന്‍ പോലീസ് സംഘം ക്യാമ്പ് ചെയ്യുന്നുണ്ട്.

വീഡിയോ