നാടിനെ നടുക്കിയ സംഭവം; യുവതിക്ക് നേരെ ആസിഡ് ആക്രമണം, പിന്നാലെ യുവാവിനെ തൂങ്ങിമരിച്ച നിലയിൽ കണ്ടെത്തി

ചിറ്റാരിക്കാൽ: (KasargodVartha) ഫാൻസി കടയുടമയായ യുവതിക്ക് നേരെ ആസിഡ് ആക്രമണം നടത്തിയതിന് പിന്നാലെ യുവാവിനെ മരിച്ച നിലയിൽ കണ്ടെത്തി. കമ്പല്ലൂരിലെ രതീഷ് (34) ആണ് തൂങ്ങിമരിച്ച നിലയിൽ കാണപ്പെട്ടത്.

ബുധനാഴ്ച ഉച്ചയ്ക്ക് രണ്ട് മണിയോടെയാണ് സംഭവം നടന്നത്. ചിറ്റാരിക്കാൽ കമ്പല്ലൂരിൽ ഫാൻസി കട നടത്തുന്ന സിന്ധു മോൾ (34) ആണ് ആക്രമണത്തിന് ഇരയായത്. കടയിലിരിക്കുകയായിരുന്ന സിന്ധു മോളുടെ ദേഹത്തേക്ക് രതീഷ് ആസിഡ് ഒഴിക്കുകയായിരുന്നു. 

ഗുരുതരമായി പൊള്ളലേറ്റ സിന്ധു മോൾ പരിയാരത്തെ കണ്ണൂർ ഗവൺമെൻ്റ് മെഡിക്കൽ കോളേജ് ആശുപത്രിയിൽ ചികിത്സയിലാണ്. സിന്ധു മോൾ അപകടനില തരണം ചെയ്തതായി ആശുപത്രി അധികൃതർ അറിയിച്ചു.

ആക്രമണം നടത്തിയ ശേഷം ഒളിവിൽ പോയ രതീഷിനെ പിന്നീട് തൂങ്ങിമരിച്ച നിലയിൽ പോലീസ് കണ്ടെത്തുകയായിരുന്നു. അവിവാഹിതനായ രതീഷ് സിന്ധു മോളുടെ അയൽവാസിയാണ്.

ആക്രമണത്തിന് പിന്നിലെ കാരണം വ്യക്തമായിട്ടില്ലെന്നും പോലീസ് വിശദമായ അന്വേഷണം നടത്തിവരികയാണെന്നും അധികൃതർ അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: A incident occurred in Chittarikkal where a fancy store owner, Sindhu Mol (34), was assaulted with acid. Following the assault, the accused, Ratheesh (34) from Kamballur, was found hanged. Sindhu Mol is hospitalized with severe burns, while the police are investigating the motive behind the attack.

#Acid, #KeralaCrime, #Chittarikkal, #Tragedy, #PoliceInvestigation