നിർമാണത്തൊഴിലാളികൾക്ക് ദാരുണാന്ത്യം: വൈദ്യുതി ലൈനിൽ തട്ടി മൂന്ന് പേർ മരിച്ചു

മംഗളൂരു: (KasargodVartha) ചിത്രദുർഗ ജില്ലയിലെ ഹോളാൽക്കെരെ താലൂക്കിലുള്ള കലഘട്ട ഗ്രാമത്തിൽ ഷെഡ് നിർമാണത്തിനിടെയുണ്ടായ വൈദ്യുതാഘാതത്തിൽ മൂന്ന് പേർക്ക് ദാരുണാന്ത്യം. ബുധനാഴ്ചയായിരുന്നു ഈ അപകടം നടന്നത്.

ദാവണഗരെ സ്വദേശികളായ എം. നസീർ (30), ടി. ഫാറൂഖ് (30), ഹോളാൽകെരെ താലൂക്കിലെ ഗ്യാരെഹള്ളി സ്വദേശിയായ കെ. ശ്രീനിവാസ് (35) എന്നിവരാണ് മരണപ്പെട്ടത്. 

ശ്രീനിവാസിന്റെ കൃഷിയിടത്തിൽ അടക്ക സൂക്ഷിക്കുന്നതിനായുള്ള ഷെഡ് നിർമിക്കുന്നതിനിടെ, സ്ഥാപിക്കുകയായിരുന്ന ഇരുമ്പ് തൂണുകളിലൊന്ന് സമീപത്തുള്ള വൈദ്യുതി ലൈനിൽ തട്ടിയാണ് അപകടമുണ്ടായത്. 

ഗുരുതരമായി പരിക്കേറ്റ ഇവരെ ഉടൻതന്നെ ദാവൺഗരെയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും, ചികിത്സ ഫലിക്കാതെ മരണത്തിന് കീഴടങ്ങുകയായിരുന്നു.

ഈ വാർത്തയെക്കുറിച്ച് നിങ്ങളുടെ അഭിപ്രായം പങ്കുവെക്കൂ.

Three electrocuted during shed construction in Chitradurga.

#Electrocution #Chitradurga #Accident #Karnataka #Safety #Tragedy