ചിന്നു പാപ്പുവിന്റെ മരണം: പോസ്റ്റ്‌മോർട്ടം റിപ്പോർട്ട് പുറത്ത്

കാസർകോട്: (KasargodVartha) സോഷ്യൽ മീഡിയ ഇൻഫ്ലുവൻസർ ആദുരിലെ രേഷ്മ എന്ന ചിന്നു പാപ്പു(24)വിന്റെ മരണത്തില്‍ പോസ്റ്റ്‌മോർട്ടം റിപ്പോർട്ട് പുറത്തുവന്നു. സ്വയം ജീവനൊടുക്കിയതാണെന്നാണ് പോസ്റ്റ്‌മോർട്ടം റിപ്പോർട്ട്. ശരീരത്തിൽ ബലപ്രയോഗമോ ആക്രമണമോ നടന്നതായി തെളിവുകളില്ല. ദേഹത്ത് പരിക്കുകളോ അസ്വാഭാവിക അടയാളങ്ങളോ കണ്ടെത്താൻ സാധിച്ചിട്ടില്ലെന്ന് അധികൃതർ അറിയിച്ചു.

രാസപരിശോധന ഫലം നിർണ്ണായകം

മരണകാരണത്തിൽ കൂടുതൽ വ്യക്തത വരുത്തുന്നതിനായി വിസറ കോഴിക്കോട് ലാബിലേക്ക് രാസപരിശോധനയ്ക്കായി അയച്ചു. വിഷം ഉള്ളിൽ പ്രവേശിച്ചിട്ടുണ്ടോയെന്നതടക്കമുള്ള കാര്യങ്ങൾ ഇതിലൂടെ വ്യക്തമാകും. ജീവനൊടുക്കാന്‍ പ്രേരണയായ മറ്റ് കാരണങ്ങളുണ്ടോയെന്ന് പോലീസ് അന്വേഷിച്ചുവരികയാണ്. അന്തിമ നിഗമനത്തിലെത്താൻ രാസപരിശോധനാ ഫലം കൂടി ലഭിക്കേണ്ടതുണ്ട്.

സുഹൃത്തിനെ ചോദ്യം ചെയ്യും

ആൺസുഹൃത്തുമായുണ്ടായ തർക്കത്തിന് പിന്നാലെയാണ് ചിന്നു പാപ്പു ആത്മഹത്യ ചെയ്തതെന്നാണ് കുടുംബം ആരോപിക്കുന്നത്. ഈ സാഹചര്യത്തിൽ 28-കാരനായ യുവാവിനെ പോലീസ് ചോദ്യം ചെയ്യും. ഇയാളുടെ മൊഴിയും മൊബൈൽ ഫോൺ വിവരങ്ങളും ഉൾപ്പെടെ ഡിജിറ്റൽ തെളിവുകളും പരിശോധിക്കും. തിങ്കളാഴ്ചയാണ് ഉളിയത്തടുക്ക ചൂരിഭാഗത്തെ ക്വാർട്ടേഴ്സിൽ യുവതിയെ മരിച്ച നിലയിൽ കണ്ടെത്തിയത്.

ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല, മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. അത്തരം ചിന്തകളുള്ളപ്പോൾ 'ദിശ' ഹെൽപ് ലൈനിൽ വിളിക്കുക. ടോൾ ഫ്രീ ഹെൽപ് ലൈൻ നമ്പർ: 1056, 0471-2552056

കാസർകോട് വ്ലോഗറുടെ മരണത്തിൽ അന്വേഷണം തുടരുന്നു. ഈ വാര്‍ത്ത ഷെയര്‍ ചെയ്യൂ. പ്രാദേശിക വാർത്തകൾക്കും ക്രൈം അപ്‌ഡേറ്റുകൾക്കുമായി ഞങ്ങളുടെ വാട്സ്ആപ്പ് ചാനൽ ഫോളോ ചെയ്യൂ.

Article Summary: Post-mortem report confirms that social media influencer Chinnu Pappu committed suicide. Police await chemical analysis results and plan to question her male friend.

#ChinnuPappu #KasaragodNews #VloggerDeath #SuicideCase #PoliceInvestigation #ReshmaAdhur #SocialMediaInfluencer