ദുബൈയില്‍ നഴ്‌സിങ് ജോലി വാഗ്ദാനം ചെയ്ത് 5 ലക്ഷം രൂപ തട്ടിയ പ്രതി അറസ്റ്റില്‍

By Web Desk - MainSep 19, 2018, 14:28 IST

എറണാകുളം: (www.kasargodvartha.com 19.09.2018) ദുബൈയില്‍ നഴ്‌സിങ് ജോലി വാഗ്ദാനം ചെയ്ത് അഞ്ചു ലക്ഷം രൂപ തട്ടിയ പ്രതിയെ പോലീസ് അറസ്റ്റു ചെയ്തു. മെഡ്ലൈന്‍ എച്ച് ആര്‍ സൊലൂഷന്‍സിന്റെ നടത്തിപ്പുകാരന്‍ തിരുവല്ല കോയിപ്പുറം ആലുമൂട്ടില്‍ വീട്ടില്‍ രാജീവ് മാത്യുവിനെ (34)യാണ് എസ് ഐ എസ് സനലും സംഘവും അറസ്റ്റു ചെയ്തത്.

നഴ്‌സിംഗ് വിദ്യാര്‍ത്ഥികളാണ് കൂടുതലും ഇയാളുടെ തട്ടിപ്പിനിരയായത്. ഇന്‍ഫോപാര്‍ക്ക്, സെന്‍ട്രല്‍ സ്റ്റേഷനുകളില്‍ എട്ടു കേസുകള്‍ ഇയാള്‍ക്കെതിരെ നിലവിലുണ്ടെന്നും പോലീസ് അറിയിച്ചു. ജാമ്യം എടുത്തതിനുശേഷം മുങ്ങുകയാണ് ഇയാളുടെ പതിവ്. സഹായിയായ മധു എന്നയാളെ പൊലീസ് അന്വേഷിച്ചു വരികയാണ്.