തൃക്കരിപ്പൂരിൽ വാഹന പരിശോധന; ഗോവൻ സ്കൂട്ടറിൽ എംഡിഎംഎ കടത്തിയ യുവാക്കൾ പിടിയിലായി

ചന്തേര: (KasargodVartha) ഗോവ രജിസ്ട്രേഷനിലുള്ള സ്കൂട്ടറിൽ എംഡിഎംഎ കടത്തിയ കേസിൽ രണ്ടു യുവാക്കൾ ചന്തേരയിൽ അറസ്റ്റിലായി. പയ്യന്നൂർ പൊലീസ് സ്റ്റേഷൻ പരിധിയിലെ താമസക്കാരായ ജാബിർ അബ്ദുൽ ഖാദർ (34), ടി. മുസാഫിർ (30) എന്നിവരെയാണ് പൊലീസ് പിടികൂടിയത്.

കഴിഞ്ഞ വ്യാഴാഴ്ച രാത്രി തൃക്കരിപ്പൂർ പൂച്ചോലിൽ ചന്തേര പൊലീസ് ഇൻസ്പെക്ടർ കെ. പ്രശാന്തിൻ്റെ നേതൃത്വത്തിൽ നടത്തിയ വാഹന പരിശോധനയിലാണ് സ്കൂട്ടറിൽ ഒളിപ്പിച്ച 2.50 ഗ്രാം എംഡിഎംഎ കണ്ടെത്തിയത്. സ്കൂട്ടറിൽ നിന്ന് 3,500 രൂപയും പൊലീസ് കണ്ടെടുത്തിട്ടുണ്ട്.

പൊലീസ് ഇൻസ്പെക്ടറെ കൂടാതെ പ്രൊബേഷൻ എസ്.ഐ മൗഷമി, സീനിയർ സിവിൽ ഓഫീസർ ശ്രീജിത്ത്, ഡ്രൈവർ ഹരീഷ് എന്നിവരും മയക്കുമരുന്ന് വേട്ടയിൽ പങ്കെടുത്തു.

ഈ വാർത്ത ഷെയർ ചെയ്യൂ! നിങ്ങളുടെ അഭിപ്രായങ്ങൾ രേഖപ്പെടുത്തുക.

Article Summary: Two youths from Payyannur were arrested in Chanderah for smuggling 2.50 grams of MDMA hidden in a Goa-registered scooter during a vehicle inspection. Police also seized ₹3,500 from them.

#MDMASeizure, #ChanderahPolice, #DrugArrest, #KeralaNews, #GoaRegistration, #NarcoticsCase