പെട്ടിക്കട കുത്തിതുറന്ന് പണവും സിഗരറ്റുകളും മോഷ്ടിച്ചു

By Web Desk - MainDec 28, 2019, 20:05 IST

കാസര്‍കോട്: (www.kasargodvartha.com 28.12.2019) പെട്ടിക്കട കുത്തിതുറന്ന് പണവും സിഗരറ്റുകളും മോഷ്ടിച്ചു. പുലിക്കുന്ന് ഗസ്റ്റ്ഹൗസിന് മുന്‍വശത്ത് പ്രവര്‍ത്തിക്കുന്ന പെട്ടി കടയിലാണ് കവര്‍ച്ച നടന്നത്. 3,000 രൂപയും 8,000 രൂപയുടെ സിഗരറ്റും മോഷണം പോയി.

ചേരങ്കൈ കടപ്പുറത്തെ ഷബീറിന്റെതാണ് പെട്ടിക്കട. ശനിയാഴ്ച രാവിലെ 10 മണിയോടെ പെട്ടികട തുറക്കാന്‍ എത്തിയപ്പോഴാണ് സംഭവം ശ്രദ്ധയില്‍പെട്ടത്. സംഭവത്തില്‍ പോലീസില്‍ പരാതി നല്‍കിയിട്ടുണ്ട്.