വിവാഹം കഴിഞ്ഞ് ഒന്നര വര്‍ഷം; നിര്‍ബന്ധിച്ച് ഗര്‍ഭഛിദ്രം നടത്തിയെന്ന് യുവതിയുടെ പരാതി, ഭര്‍ത്താവിനും മാതാവിനുമെതിരെ കേസ്

By Web Desk - MainFeb 13, 2019, 11:04 IST

വിദ്യാനഗര്‍: (www.kasargodvartha.com 13.02.2019) നിര്‍ബന്ധിച്ച് ഗര്‍ഭഛിദ്രം നടത്തിയെന്ന യുവതിയുടെ പരാതിയില്‍ ഭര്‍ത്താവിനും ഭര്‍തൃമാതാവിനുമെതിരെ വിദ്യാനഗര്‍ പോലീസ് കേസെടുത്തു. ചാലക്കുന്നിലെ ഫാത്വിമത്ത് ഇര്‍ഫാനയുടെ പരാതിയില്‍ ഭര്‍ത്താവ് ഉദുമ കരിപ്പോടിയിലെ മുഹമ്മദ് സാബിര്‍ (31), മാതാവ് ഫാത്വിമ (48) എന്നിവരുടെ പേരിലാണ് പോലീസ് കേസെടുത്തിരിക്കുന്നത്.

2017 ജൂലൈ ഒമ്പതിനാണ് ഇര്‍ഫാനയും സാബിറും തമ്മിലുള്ള വിവാഹം നടന്നത്. ഇതിനു ശേഷം ഭര്‍ത്താവും ഭര്‍തൃമാതാവും ചേര്‍ന്ന് തന്നെ മാനസികമായും ശാരീരികമായും നിരന്തരം പീഡിപ്പിക്കുകയായിരുന്നുവെന്നും ഇതിനിടെ ഗര്‍ഭിണിയായപ്പോള്‍ നിര്‍ബന്ധിച്ച് മംഗളൂരുവിലെ സ്വകാര്യ ആശുപത്രിയില്‍ വെച്ച് ഗര്‍ഭഛിദ്രം നടത്തിയെന്നുമാണ് യുവതിയുടെ പരാതി.