Mystery | മംഗ്ളുറു നഗരത്തിൽ ബസ് കണ്ടക്ടർ ദുരൂഹ സാഹചര്യത്തിൽ മരിച്ച നിലയിൽ; കൊലപാതകമെന്ന് സംശയം
● രാജേഷ് എന്നയാളാണ് മരിച്ചത്
● മംഗളൂരു-വിട്ല റൂട്ടിൽ സർവീസ് നടത്തുന്ന ബസിലെ കണ്ടക്ടറായിരുന്നു
● ഇന്ദിരാ കാൻറ്റീനിന് സമീപത്താണ് മൃതദേഹം കണ്ടെത്തിയത്
മംഗ്ളുറു: (KasargodVartha) സ്റ്റേറ്റ് ബാങ്കിന് സമീപം ബസ് കണ്ടക്ടറെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കൊലപാതകമാണെന്നാണ് സംശയിക്കുന്നത്. മംഗ്ളൂറിനും വിട്ലയ്ക്കും ഇടയിൽ സർവീസ് നടത്തുന്ന സ്വകാര്യ ബസിൽ കണ്ടക്ടറായി ജോലി ചെയ്തിരുന്ന രാജേഷ് (30) ആണ് മരിച്ചത്
ഇന്ദിരാ കാൻ്റീനിന് സമീപമാണ് മൃതദേഹം കണ്ടെത്തിയത്. കല്ലേറിലോ കവർച്ചയെ ചെറുക്കുന്നതിനിടെയോ ആയിരിക്കാം കൊലപാതകം നടന്നതെന്നാണ് പ്രാഥമിക സംശയം. രാജേഷിന്റെ ദേഹത്ത് കല്ലേറേറ്റതിന്റെ പാടുകൾ കണ്ടെത്തിയിട്ടുണ്ട്.
രാജേഷ് വിനയത്തോടെയും സൗഹാർദപരവുമായി ഇടപെടുന്ന വ്യക്തിയായിരുന്നുവെന്ന് അദ്ദേഹത്തെ അടുത്തറിയാവുന്നവർ പറയുന്നു. പരമ്പരാഗത വേഷം ധരിച്ച് എല്ലാ വർഷവും ശബരിമല അയ്യപ്പക്ഷേത്രത്തിൽ ദർശനം നടത്താറുണ്ടായിരുന്നുവെന്നും ബന്ധുക്കൾ വ്യക്തമാക്കി.
പാണ്ഡേശ്വർ പൊലീസ് കേസെടുത്ത് അന്വേഷണം ആരംഭിച്ചു. മൃതദേഹം പോസ്റ്റ്മോർട്ടത്തിനായി വെൻലോക്ക് ആശുപത്രി മോർച്ചറിയിലേക്ക് മാറ്റി.
#MangaloreMurder, #KeralaCrime, #BreakingNews, #JusticeForRajesh, #PoliceInvestigation
