ബേക്കലിൽ അനധികൃത മണൽക്കടത്ത്; ഫൈബർ വള്ളം പിടികൂടി

ബേക്കൽ: (KasargodVartha) അഴിമുഖത്ത് നിന്ന് അനധികൃതമായി മണൽ കടത്തുന്നതിനിടെ ഫൈബർ വള്ളം പിടികൂടി പോലീസ്. 300 ഓളം മണൽ നിറച്ച ചാക്കുകളാണ് സംഭവ സ്ഥലത്ത് നിന്ന് കണ്ടെത്തിയത്.

ജില്ലാ പോലീസ് മേധാവി ബി.വി. വിജയ ഭരത് റെഡ്ഡിയുടെ നിർദ്ദേശ പ്രകാരം ബേക്കൽ ഡിവൈഎസ്പി മനോജ് വി.വി.യുടെ മേൽനോട്ടത്തിൽ നടത്തിയ പരിശോധനയിലാണ് മണൽക്കടത്ത് പിടികൂടിയത്. പോലീസിന്റെ സാന്നിധ്യം മനസ്സിലാക്കിയ അന്യസംസ്ഥാന തൊഴിലാളികൾ ഉൾപ്പെടെ 15ഓളം പേർ രക്ഷപ്പെട്ടതായാണ് വിവരം.

ശക്തമായ നടപടി തുടരുമെന്ന് പോലീസ്

പാരിസ്ഥിതിക പ്രശ്നങ്ങൾക്കും സർക്കാർ വരുമാന നഷ്ടത്തിനും കാരണമാകുന്ന അനധികൃത മണൽ ഖനനത്തിനെതിരെ ശക്തമായ നടപടി തുടരുമെന്ന് പോലീസ് അറിയിച്ചു. ബേക്കൽ ഇൻസ്‌പെക്ടർ ശ്രീദാസ് എം.വി, എസ്.ഐ സവ്യസാചി, അഖിൽ, സിവിൽ പോലീസ് ഓഫീസർമാരായ ഇൽസാദ്, സജേഷ് എന്നിവരടങ്ങുന്ന സംഘമാണ് നടപടികൾക്ക് നേതൃത്വം നൽകിയത്. 
 

മണൽ ഖനനത്തിനെതിരെ ശക്തമായ നടപടികൾ വേണമെന്ന് നിങ്ങൾ കരുതുന്നുണ്ടോ?  അഭിപ്രായം പങ്കുവെക്കൂ.

Article Summary: Police seize a fiber boat and sand sacks in Bekal.

#Bekal #SandMining #IllegalMining #KeralaPolice #CrimeNews #LocalNews