ഓട്ടോറിക്ഷ ഡ്രൈവറെ മര്‍ദിച്ച് പണം തട്ടിയ കേസില്‍ ഒരു പ്രതി കൂടി അറസ്റ്റില്‍

By Web Desk - MainJan 16, 2020, 10:11 IST

മഞ്ചേശ്വരം: (www.kasargodvartha.com 16.01.2020) ഓട്ടോറിക്ഷ ഡ്രൈവറെ മര്‍ദിച്ച് പണം തട്ടിയ കേസില്‍ ഒരു പ്രതിയെ കൂടി പോലീസ് അറസ്റ്റു ചെയ്തു. കടമ്പാര്‍ പുരുഷാങ്കോടി സ്വദേശി മുഹമ്മദ് റാഷിഖിനെ (19)യാണ് മഞ്ചേശ്വരം എസ് ഐ അനൂപിന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. 2019 നവംബര്‍ 23ന് രാവിലെ 11 മണിയോടെയാണ് കേസിനാസ്പദമായ സംഭവം നടന്നത്.

ഓട്ടോറിക്ഷ വാടകയ്ക്ക് വിളിച്ച ശേഷം ഡ്രൈവറെ മര്‍ദിച്ച് അരലക്ഷം രൂപ തട്ടിയെന്നാണ് കേസ്. സംഭവവുമായി ബന്ധപ്പെട്ട് നാലു പേരെ നേരത്തെ പോലീസ് അറസ്റ്റു ചെയ്തിരുന്നു. ഇനിയും നാലുപ്രതികള്‍ പിടിയിലാകാനുണ്ടെന്ന് പോലീസ് പറഞ്ഞു.