പോലീസിനെ ആക്രമിച്ച് ജാമ്യത്തിലിറങ്ങി മുങ്ങിനടക്കുകയായിരുന്ന വാറണ്ട് പ്രതിയെ വീട് വളഞ്ഞ് പിടികൂടി

By Web Desk - MainSep 3, 2018, 11:55 IST

കുമ്പള: (www.kasargodvartha.com 03.09.2018) പോലീസിനെ ആക്രമിച്ച് ജാമ്യത്തിലിറങ്ങി മുങ്ങിനടക്കുകയായിരുന്ന വാറണ്ട് പ്രതിയെ വീട് വളഞ്ഞ് പിടികൂടി. മധൂര്‍ പെരിയടുക്കയിലെ ഉദയനെ (36)യാണ് കുമ്പള എസ് ഐ ടി വി അശോകന്റെ നേതൃത്വത്തിലുള്ള പോലീസ് സംഘം വീടുവളഞ്ഞ് അറസ്റ്റു ചെയ്തത്.

2013 ല്‍ കുമ്പള ഗോപാലകൃഷ്ണ ക്ഷേത്രത്തിലെ വെടിക്കെട്ട് ഉത്സവവുമായി ബന്ധപ്പെട്ട് പോലീസിനെ ആക്രമിച്ച കേസില്‍ അറസ്റ്റിലായി ജാമ്യത്തിലിറങ്ങി കോടതിയില്‍ ഹാജരാകാതെ മുങ്ങിനടക്കുകയായിരുന്നു ഉദയന്‍. കോടതി ഇയാള്‍ക്കെതിരെ വാറണ്ട് പുറപ്പെടുവിച്ചിരുന്നു.