റോഡില്‍ ടയറിട്ട് കത്തിക്കല്‍, പോലീസിനു നേരെ കൈയ്യേറ്റം; 50 പേര്‍ക്കെതിരെ കേസ്, ഒരാള്‍ അറസ്റ്റില്‍

മഞ്ചേശ്വരം: (www.kasargodvartha.com 04.01.2019) റോഡില്‍ ടയറിട്ട് കത്തിക്കുകയും തടയാനെത്തിയ പോലീസിനു നേരെ കൈയ്യേറ്റം നടത്തുകയും ചെയ്ത സംഭവത്തില്‍ 50 പേര്‍ക്കെതിരെ പോലീസ് കേസെടുത്തു. ഇതില്‍ മുഖ്യപ്രതിയായ ഒരാളെ പോലീസ് അറസ്റ്റു ചെയ്തു. മൊറത്തണയിലെ നവീനെ (22)യാണ് മഞ്ചേശ്വരം പോലീസ് അറസ്റ്റു ചെയ്തത്.



മൊറത്തണയിലെ കിരണ്‍ രാജ്, വത്സരാജ്, കീര്‍ത്തന്‍, നീരജ് തുടങ്ങിയ 50 ഓളം പേര്‍ക്കെതിരെയാണ് പോലീസ് കേസെടുത്തത്. മൊറത്തണയില്‍ വെച്ചാണ് സംഭവം. റോഡില്‍ ടയറിട്ട് കത്തിക്കുകയും പ്രകോപനം സൃഷ്ടിക്കുകയും തടയാനെത്തിയ പോലീസിനെ ആക്രമിക്കുകയും ചെയ്തുവെന്നാണ് കേസ്. മറ്റു പ്രതികളെ കണ്ടെത്താന്‍ പോലീസ് അന്വേഷണം ഊര്‍ജിതമാക്കിയിട്ടുണ്ട്.