എന്‍ വൈ എല്‍ പ്രവര്‍ത്തനു നേരെയുണ്ടായ അക്രമം; ലീഗ് പ്രവര്‍ത്തകര്‍ക്കെതിരെ പോലീസ് കേസെടുത്തു

കാസര്‍കോട്: (www.kasargodvartha.com 01.04.2019) എന്‍ വൈ എല്‍ പ്രവര്‍ത്തനു നേരെയുണ്ടായ അക്രമ സംഭവവുമയി ബന്ധപ്പെട്ട് ലീഗ് പ്രവര്‍ത്തകര്‍ക്കെതിരെ പോലീസ് കേസെടുത്തു. എന്‍ വൈ എല്‍ പഞ്ചായത്ത് ജനറല്‍ സെക്രട്ടറി എരിയാലിലെ അബ്ദുല്‍ ഖാദറിന്റെ മകന്‍ നൗഷാദ് ബള്ളീറിനെ (34) അക്രമിച്ച സംഭവത്തില്‍ എരിയാല്‍ ടൗണിലെ സാബിത്ത് തുടങ്ങി എട്ടോളം പേര്‍ക്കെതിരെയാണ് കാസര്‍കോട് ടൗണ്‍ പോലീസ് കേസെടുത്തത്.

ഞായറാഴ്ച ഉച്ചയോടെയാണ് നൗഷാദിനു നേരെ ആക്രമണമുണ്ടായത്. പരിക്കേറ്റ നൗഷാദിനെ ചെങ്കള ഇ കെ നായനാര്‍ ആശുപത്രിയില്‍ പ്രവേശിപ്പിച്ചിരുന്നു. രാഷ്ട്രീയ വൈരാഗ്യം മൂലം സംഘം തടഞ്ഞുനിര്‍ത്തി ഇരുമ്പുവടി, ഇഷ്ടിക തുടങ്ങിയ കൊണ്ട് ആക്രമിക്കുകയായിരുന്നുവെന്നാണ് പരാതി.

Related News:
എന്‍ വൈ എല്‍ നേതാവ് മര്‍ദനമേറ്റ പരിക്കുകളോടെ ആശുപത്രിയില്‍