സൈഡ് നല്‍കിയില്ലെന്നാരോപിച്ച് ബൈക്ക് യാത്രക്കാരന്‍ ബസിന്റെ ചില്ല് എറിഞ്ഞുതകര്‍ത്തു

By Web Desk - MainJul 8, 2018, 12:10 IST

നീലേശ്വരം: (www.kasargodvartha.com 08.07.2018) സൈഡ് നല്‍കിയില്ലെന്നാരോപിച്ച് ബൈക്ക് യാത്രക്കാരന്‍ ബസിന്റെ ചില്ല് എറിഞ്ഞുതകര്‍ത്തു. കഴിഞ്ഞദിവസം നീലേശ്വരം ചതുരക്കിണറിലാണ് സംഭവം. നീലേശ്വരത്തു നിന്നും കാലിച്ചാംപൊതിയിലേക്ക് പോവുകയായിരുന്ന സ്വകാര്യബസിന്റെ ഗ്ലാസാണ് ചതുരക്കിണറിലെ അഭിലാഷ് എന്ന യുവാവ് എറിഞ്ഞു തകര്‍ത്തത്. അഭിലാഷിനെതിരെ പോലീസ് കേസെടുത്തിട്ടുണ്ട്.

അക്രമത്തില്‍ ബസിലുണ്ടായിരുന്ന കാലിച്ചാംപൊതിയിലെ എം വി അനില്‍ കുമാറിന്റെ കൈക്ക് പരിക്കേറ്റു. അനില്‍ കുമാറിനെ ആശുപത്രിയില്‍ പ്രവേശിപ്പിച്ചു. അഭിലാഷിന്റെ ബൈക്ക് പോലീസ് കസ്റ്റഡിയിലെടുത്തിട്ടുണ്ട്. ചില്ല് തകര്‍ത്തതില്‍ 12,000 രൂപയുടെ നഷ്ടം കണക്കാക്കുന്നു.