ബി ജെ പിയുടെ ജില്ലാ കമ്മിറ്റി ഓഫീസ് പുതിയ കെട്ടിടത്തിനു നേരെ അക്രമം; ജനല്‍ ഗ്ലാസുകള്‍ തകര്‍ന്നു, പോലീസ് കേസെടുത്ത് അന്വേഷണം ആരംഭിച്ചു

By Web Desk - MainSep 29, 2019, 17:40 IST

കാസര്‍കോട്: (www.kasargodvartha.com 29.09.2019) ബി ജെ പിയുടെ ജില്ലാ കമ്മിറ്റി ഓഫീസ് പുതിയ കെട്ടിടത്തിനു നേരെ അക്രമം. ജനല്‍ ഗ്ലാസുകള്‍ തകര്‍ന്ന നിലയിലാണ്. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു. താളിപ്പടുപ്പിന് സമീപം കേളുഗുഡ്ഡെ റോഡില്‍ പ്രവര്‍ത്തിക്കുന്ന പുതിയ കെട്ടിടത്തിനു നേരെയാണ് ആക്രമണമുണ്ടായത്. ഞായറാഴ്ച രാവിലെയാണ് സംഭവം ശ്രദ്ധയില്‍പെട്ടത്.

ബി ജെ പിയുടെ ജില്ലാ കമ്മിറ്റി ഓഫീസ് പുതിയ കെട്ടിടത്തിനു നേരെ അക്രമം; ജനല്‍ ഗ്ലാസുകള്‍ തകര്‍ന്നു, പോലീസ് കേസെടുത്ത് അന്വേഷണം ആരംഭിച്ചു

സംഭവത്തില്‍ ബി ജെ പി നേതാക്കളുടെ പരാതിയില്‍ പോലീസ് കേസെടുത്ത് അന്വേഷണം ആരംഭിച്ചു. 427, 447, 153 (എ) വകുപ്പുകള്‍ ചേര്‍ത്താണ് കേസെടുത്തിരിക്കുന്നത്. ഈയടുത്താണ് ഓഫീസിന്റെ പാലുകാച്ചല്‍ ചടങ്ങ് നടത്തിയത്. ഉദ്ഘാടന പരിപാടികള്‍ നടക്കാനിരിക്കെയാണ് ഓഫീസിനു നേരെ ആക്രമണമുണ്ടായിരിക്കുന്നത്. ഓഫീസിന്റെ ചില ഭാഗങ്ങളിലായി ചില സംഘടനകളുടെ പേരുകളെഴുതിവെച്ച നിലയിലാണ്.