എ ടി എം കൗണ്ടര്‍ കവര്‍ച്ചാശ്രമം; പ്രതിയെ പിടികൂടാനാകാതെ പോലീസ്

കാസര്‍കോട്: (www.kasargodvartha.com 18.01.2019) കാസര്‍കോട് റെയില്‍വേ സ്‌റ്റേഷനോട് ചേര്‍ന്നുള്ള എ ടി എം കൗണ്ടറില്‍ കവര്‍ച്ചാ ശ്രമം നടത്തിയ പ്രതിയെ ഇനിയും പോലീസിന് പിടികൂടാനായില്ല. 2018 ഡിസംബര്‍ 27ന് വ്യാഴാഴ്ച രാത്രി 11.30 നാണ് എ ടി എം കൗണ്ടറില്‍ കവര്‍ച്ചാ ശ്രമം അരങ്ങേറിയത്. മെഷീന്‍ തകര്‍ക്കാനുള്ള ശ്രമം പരാജയപ്പെട്ടതോടെ മോഷ്ടാവ് ശ്രമം ഉപേക്ഷിച്ച് കടന്നുകളയുകയായിരുന്നു.

പ്രതിയുടെ സി സി ടി വി ദൃശ്യം പോലീസിന് ലഭിച്ചിരുന്നു. മോഷ്ടാവിന്റേതെന്ന് സംശയിക്കുന്ന വിരലടയാളങ്ങളും പോലീസിന് ലഭിച്ചു. എന്നിട്ടും 20 ദിവസം കഴിഞ്ഞിട്ടും പ്രതിയെ കണ്ടെത്താന്‍ പോലീസിന് സാധിച്ചിട്ടില്ല. മോഷ്ടാവ് കര്‍ണാടക സ്വദേശിയാണെന്നാണ് പോലീസ് സംശയിക്കുന്നത്. സി സി ടി വി ശ്രദ്ധയില്‍പെട്ടതോടെ ഷര്‍ട്ടൂരി മുഖം മറക്കുകയും സി സി ടി വി സീലിംഗ് റൂഫിനടുത്തേക്ക് തള്ളിമാറ്റുകയും മോഷ്ടാവ് ചെയ്തിരുന്നു. 10 മിനുട്ട് നേരമാണ് മോഷ്ടാവ് എ ടി എം കൗണ്ടറിനകത്തുണ്ടായിരുന്നത്.

Related News:
എ ടി എം കൗണ്ടറിനുള്ളില്‍ മോഷ്ടാവിന്റെ പരാക്രമം കണ്ട് പോലീസിന് ചിരിപൊട്ടി; സി സി ടി വി കണ്ടപ്പോള്‍ ഷര്‍ട്ടൂരി മുഖം പൊത്തി

കാസര്‍കോട്ടും എ ടി എം കവര്‍ച്ചാ ശ്രമം; പോലീസ് കേസെടുത്ത് അന്വേഷണം തുടങ്ങി