'കാസർകോട്ട് പൊലീസിന് നേരെ നിരവധി ക്രിമിനൽ കേസുകളിൽ പ്രതിയായ യുവാവിന്റെ ആക്രമണം'; എസ് ഐ ഉൾപെടെ 4 പൊലീസുകാർക്ക് പരിക്ക്; യുവാവ് പിടിയിൽ

കാസർകോട്: (www.kasargodvartha.com 07.02.2022) കാസർകോട്ട് പൊലീസിന് നേരെ നിരവധി ക്രിമിനൽ കേസുകളിൽ പ്രതിയായ യുവാവിന്റെ ആക്രമണമെന്ന് പരാതി. എസ് ഐ ഉൾപെടെ നാല് പൊലീസുകാർക്ക് പരിക്കേറ്റു. യുവാവിനെ പൊലീസ് പിടികൂടി. ആദൂർ പൊലീസ് സ്റ്റേഷൻ പരിധിയിൽ താമസിക്കുന്ന മുന്ന എന്ന മുനീർ (42) ആണ് പിടിയിലായത്.
              
നഗരത്തിലെ ഹോടെലിൽ മദ്യപിച്ച് ബഹളംവച്ചതിനെ തുടർന്ന് യുവാവിനെ പിടികൂടാനുള്ള ശ്രമത്തിനിടെ ഫ്‌ലയിങ് സ്‌ക്വാഡ് അംഗങ്ങളായ ബാബുരാജ്, സജിത് എന്നിവരെ ഇയാൾ ആക്രമിക്കുകയായിരുന്നുവെന്നും തുടർന്ന് വിവരം അറിയിച്ചതിനെ തുടർന്ന് സ്ഥലത്തെത്തിയ എസ് ഐ വിഷ്ണുപ്രസാദ്, പൊലീസുകാരനായ സനീഷ് എന്നിവരെയും ഇയാൾ ആക്രമിച്ചതായും പൊലീസ് പറഞ്ഞു. സമീപത്ത് നിർത്തിയിട്ടിരുന്ന കാറിന്റെ വൈപർ പൊളിച്ചെടുത്താണ് ഇയാൾ ആക്രമണം നടത്തിയതെന്ന് പൊലീസ് കൂട്ടിച്ചേർത്തു.