അല്‍ത്വാഫ് വധം; മുംബൈയില്‍ പിടിയിലായ പ്രതിയെ തെളിവെടുപ്പിനായി കുമ്പളയിലെത്തിച്ചു

By Web Desk - MainAug 29, 2019, 11:55 IST

കുമ്പള: (www.kasargodvartha.com 29.08.2019) ബേക്കൂര്‍ ശാന്തിഗുരി സ്വദേശിയായ അല്‍ത്വാഫിനെ (48) തട്ടിക്കൊണ്ടുപോയി ക്രൂരമായി കൊലപ്പെടുത്തിയ കേസില്‍ മുംബൈയില്‍ വെച്ച് പോലീസ് പിടികൂടിയ പ്രതിയെ തെളിവെടുപ്പിനായി കുമ്പളയിലെത്തിച്ചു. അബ്ദുല്‍ ജലീലിനെ (22)യാണ് ബുധനാഴ്ച കുമ്പള ഇന്‍സ്‌പെക്ടര്‍ രാജീവന്‍ വലിയവളപ്പിലിന്റെ നേതൃത്വത്തില്‍ തെളിവെടുപ്പിനായി ഉപ്പളയിലും കുമ്പളയിലുമെത്തിച്ചത്.

സംഭവത്തിനുശേഷം ഒളിവില്‍പോയ ജലീലിനെ മുംബൈയിലെത്തി പോലീസ് അറസ്റ്റു ചെയ്യുകയായിരുന്നു. പ്രതിയെ വിശദമായി ചോദ്യംചെയ്യുന്നതിന്റെ ഭാഗമായിട്ടാണ് പോലീസ് കസ്റ്റഡിയില്‍ വാങ്ങുന്നതിനായി കോടതിയുടെ അനുമതി തേടിയത്. ഇക്കഴിഞ്ഞ ജൂണ്‍ 23ന് ഞായറാഴ്ച രാവിലെയാണ് അല്‍ത്വാഫിനെ പ്രതാപ് നഗര്‍ പുല്‍ക്കുത്തിയിലെ വീടിനു സമീപത്തു നിന്നും തട്ടിക്കൊണ്ടുപോയി കൊലപ്പെടുത്തിയത്.

ജലീലിന്റെ പേരില്‍ കുമ്പള പോലീസ് സ്റ്റേഷനില്‍ ഒരു അടിപിടിക്കേസും നിലവിലുണ്ടെന്ന് പോലീസ് പറഞ്ഞു.