Assault | ‘108 കിലോ കഞ്ചാവ് വാഹനത്തിൽ കടത്തിയ കേസിലെ പ്രതിയെ പിടികൂടുന്നതിനിടെ എക്സൈസ് ഉദ്യോഗസ്ഥർക്ക് നേരെ ആക്രമണം; യുവാവിനെ കീഴടക്കി’
● ‘പ്രതി സ്റ്റീൽ ദണ്ഡ് ഉപയോഗിച്ച് ഉദ്യോഗസ്ഥരെ മർദിക്കുകയും അസഭ്യം പറയുകയും ഭീഷണിപ്പെടുത്തുകയും ചെയ്തു’.
● സംഭവത്തിൽ രണ്ട് എക്സൈസ് ഉദ്യോഗസ്ഥർക്ക് പരിക്കേറ്റു.
● പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
● കേസിൽ കുമ്പള എസ്.ഐ ശ്രീജേഷിനാണ് അന്വേഷണ ചുമതല.
കുമ്പള: (KasargodVartha) 108 കിലോ കഞ്ചാവ് കടത്തിയ കേസിൽ അറസ്റ്റ് വാറണ്ടുള്ള പ്രതി എക്സൈസ് ഉദ്യോഗസ്ഥരെ ആക്രമിച്ചെന്ന പരാതിയിൽ പൊലീസ് കേസെടുത്തു. കുമ്പള പൊലീസ് സ്റ്റേഷൻ പരിധിയിലെ അബ്ദുൽ ബാസിത് (38) ആണ് പ്രതി. കാസർകോട് ജില്ലാ കോടതിയുടെ വാറണ്ട് പ്രകാരം അറസ്റ്റ് ചെയ്യാനെത്തിയ എക്സൈസ് സംഘത്തെ പ്രതി അസഭ്യം പറയുകയും സ്റ്റീൽ ദണ്ഡ് ഉപയോഗിച്ച് ആക്രമിക്കുകയും ചെയ്തുവെന്നാണ് കേസ്.
കുമ്പള പൊലീസ് നൽകുന്ന വിവരങ്ങൾ പ്രകാരം, 2025 മാർച്ച് 31-ന് ഉച്ചയ്ക്ക് 12:45 ഓടെ കുമ്പള റേഞ്ച് പരിധിയിലെ ചൂരിത്തടുക്കയിൽ വെച്ചായിരുന്നു സംഭവം. കാസർകോട് ജില്ലാ കോടതിയുടെ വാറണ്ട് പ്രകാരം പ്രതിയെ അറസ്റ്റ് ചെയ്യാനെത്തിയ എക്സൈസ് എൻഫോഴ്സ്മെൻ്റ് ആൻ്റി നാർക്കോട്ടിക്ക് സ്ക്വാഡിനെ അബ്ദുൾ ബാസിത് ആക്രമിക്കുകയായിരുന്നു. പ്രതിയെ വീട്ടിൽ നിന്ന് കസ്റ്റഡിയിലെടുത്ത് കുമ്പള റേഞ്ചിൽ എത്തിച്ചതിന് ശേഷം വാറണ്ട് വിവരം അറിയിച്ചതിന് പിന്നാലെ അക്രമാസക്തനാവുകയായിരുന്നു. ഉടൻ തന്നെ ഇയാളെ കീഴടക്കിയതായും പൊലീസ് അറിയിച്ചു.
‘പ്രതി സ്റ്റീൽ ദണ്ഡ് ഉപയോഗിച്ച് എക്സൈസ് ഉദ്യോഗസ്ഥരെ മർദിച്ചു. ആക്രമണത്തിൽ പ്രിവൻ്റീവ് ഓഫീസർ (ഗ്രേഡ്) പ്രജിത്ത് കെ.ആർ (38), സിവിൽ എക്സൈസ് ഓഫീസർ രാജേഷ് പി. (35) എന്നിവർക്ക് പരിക്കേറ്റു. ഇരുവരും കാസർകോട് ജനറൽ ആശുപത്രിയിൽ ചികിത്സയിലാണ്. കമ്പല്ലൂർ സ്വദേശിയായ പ്രജിത്തിന് കഴുത്തിനും മുഖത്തുമാണ് പരിക്കേറ്റത്. പ്രതിയെ കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തതായും പോലീസ് പറഞ്ഞു.
കൂടാതെ, പ്രതി എക്സൈസ് ഉദ്യോഗസ്ഥരെ അസഭ്യം പറയുകയും ഔദ്യോഗിക കൃത്യനിർവഹണം തടസ്സപ്പെടുത്തുകയും ഭീഷണിപ്പെടുത്തുകയും ചെയ്തു. പ്രതി ഉദ്യോഗസ്ഥരെ കൊല്ലുമെന്ന് പറഞ്ഞു ഭീഷണിപ്പെടുത്തിയതായും എഫ്ഐആറിൽ പറയുന്നു. കേസിൽ കുമ്പള എസ്.ഐ ശ്രീജേഷിനാണ് അന്വേഷണ ചുമതല.
ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക.
Abdul Basith, accused in a 108 kg cannabis smuggling case with an arrest warrant, allegedly attacked excise officials in Kumbala. He reportedly abused and assaulted them with a steel rod. Two officials were injured and hospitalized. Basith has been arrested, remanded for 14 days, and further investigation is underway.
#KeralaNews #Kasaragod #ExciseAttack #DrugCase #Arrest #Crime
