വിവാഹവാഗ്ദാനം നല്‍കി പീഡനം; ഗര്‍ഭിണിയായതോടെ ഒഴിഞ്ഞുമാറി, 16 കാരിയുടെ പരാതിയില്‍ യുവാവിനെതിരെ കേസ്

മഞ്ചേശ്വരം: (www.kasargodvartha.com 20.01.2019) വിവാഹവാഗ്ദാനം നല്‍കി പീഡിപ്പിക്കുകയും ഗര്‍ഭിണിയായതോടെ വാഗ്ദാനത്തില്‍ നിന്നും പിന്മാറുകയും ചെയ്തുവെന്ന 16 കാരിയുടെ പരാതിയില്‍ യുവാവിനെതിരെ പോലീസ് കേസെടുത്തു. ബായാര്‍ ഗോളിയടുക്കയിലെ രാജേഷിനെ (28)തിരെയാണ് മഞ്ചേശ്വരം പോലീസ് കേസെടുത്തത്. മൂന്നു വര്‍ഷത്തോളം വീട്ടിലേക്കും മറ്റും കൊണ്ടുപോയി പീഡിപ്പിക്കുകയും ഗര്‍ഭിണിയാണെന്നറിഞ്ഞതോടെ വിവാഹത്തില്‍ നിനിന്നും പിന്മാറുകയായിരുന്നുവെന്നും പെണ്‍കുട്ടി പോലീസില്‍ നല്‍കിയ പരാതിയില്‍ പറയുന്നു.

സംഭവം പുറത്തു പറഞ്ഞാല്‍ കൊല്ലുമെന്ന് ഭീഷണിപ്പെടുത്തിയതായും പരാതിയുണ്ട്. പോലീസ് കേസെടുത്തതോടെ സ്ഥലത്തു നിന്നും യുവാവ് മുങ്ങിയിരിക്കുകയാണ്. പ്രതിയെ കണ്ടെത്താന്‍ പോലീസ് അന്വേഷണം ഊര്‍ജിതമാക്കി.