112 കിലോ കഞ്ചാവ് കടത്ത് കേസ്: ഒന്നാം പ്രതിക്ക് 10 വർഷം കഠിന തടവും ഒരു ലക്ഷം രൂപ പിഴയും
● 2019 ഫെബ്രുവരി മൂന്നിനാണ് ഇയാൾ പിടിയിലായത്.
● രണ്ടും മൂന്നും പ്രതികളെ കോടതി വെറുതെ വിട്ടു.
● ചിറ്റാരിക്കൽ പൊലീസ് സ്റ്റേഷൻ പരിധിയിൽ വെച്ചാണ് സംഭവം.
കാസർകോട്: (KasargodVartha) ഇന്നോവ കാറിൽ 112 കിലോ കഞ്ചാവ് കടത്തിയ കേസിൽ ഒന്നാം പ്രതിയെ കോടതി 10 വർഷം കഠിന തടവിനും ഒരു ലക്ഷം രൂപ പിഴയടക്കാനും ശിക്ഷിച്ചു.
ചിറ്റാരിക്കാൽ പോലീസ് സ്റ്റേഷൻ പരിധിയിലെ കെ കെ നൗഫലി (40) നെയാണ് കാസർകോട് അഡീഷണൽ ഡിസ്ട്രിക്റ്റ് & സെഷൻസ് കോടതി (രണ്ട്) ജഡ്ജ് പ്രിയ കെ ശിക്ഷിച്ചത്. 10 വർഷം കഠിന തടവിനും ഒരു ലക്ഷം രൂപ പിഴശിക്ഷക്കുമാണ് കോടതി വിധിച്ചത്. പിഴ അടച്ചില്ലെങ്കിൽ മൂന്ന് മാസം കൂടി തടവ് ശിക്ഷ അനുഭവിക്കേണ്ടി വരും.
2019 ഫെബ്രുവരി 3-ന് ചിറ്റാരിക്കൽ പോലീസ് സ്റ്റേഷൻ പരിധിയിലെ പൂങ്ങോട് എന്ന സ്ഥലത്ത് വെച്ച് കെഎൽ 60 എൽ 6360 നമ്പർ ഇന്നോവ കാറിൽ കഞ്ചാവ് കടത്തുന്നതിനിടെയാണ് പ്രതി പിടിയിലായത്. ചിറ്റാരിക്കൽ എസ്.ഐ. രഞ്ജിത്ത് രവീന്ദ്രനും സംഘവും ചേർന്നാണ് ഇയാളെ പിടികൂടിയത്.
മറ്റ് പ്രതികൾ
ഒന്നാം പ്രതിയോടൊപ്പം ഉണ്ടായിരുന്ന രണ്ടാം പ്രതി റോണി വർഗീസ് (32), സംഭവസമയത്ത് ഓടിപ്പോയിരുന്നു. കേസിൽ സാമ്പത്തിക സഹായം ചെയ്തതായി ആരോപിക്കപ്പെട്ട മൂന്നാം പ്രതി സമീർ ഒറ്റതൈ എന്ന മുളകുപൊടി സമീർ (37), എന്നിവരെ കോടതി വെറുതെ വിട്ടു.
അന്വേഷണവും വിചാരണയും
കേസിൽ പ്രാഥമിക അന്വേഷണം കാഞ്ഞങ്ങാട് ഡി.വൈ.എസ്.പി.യുടെ ചുമതലയുണ്ടായിരുന്ന കാസർകോട് നാർക്കോട്ടിക് സെൽ ഡി.വൈ.എസ്.പി. എൻ. നന്ദനൻ പിള്ളയാണ് നടത്തിയത്. തുടർന്ന് ഡി.വൈ.എസ്.പി. ടി.എൻ. സജീവൻ അന്വേഷണവും, ഡി.വൈ.എസ്.പി. പി.കെ. സുധാകരൻ കുറ്റപത്ര സമർപ്പണവും നിർവഹിച്ചു.
പ്രോസിക്യൂഷനുവേണ്ടി അഡീഷണൽ ഗവ. പ്ലീഡർ ജി ചന്ദ്രമോഹനനും അഡ്വ. ചിത്രകലയും ഹാജരായി.
ലഹരി കടത്തിനെതിരെയുള്ള ഈ കോടതി വിധിയെക്കുറിച്ച് നിങ്ങളുടെ അഭിപ്രായം കമൻ്റ് ചെയ്യുക. ഈ വാർത്ത മറ്റുള്ളവരുമായി പങ്കുവെക്കൂ.
Article Summary: First accused in 112 kg cannabis smuggling case gets 10 years jail.
#CannabisSmuggling #CourtVerdict #Kasaragod #NarcoticsCase #RigorousImprisonment #KeralaPolice
