മഞ്ചേശ്വരത്ത് വന്‍ കഞ്ചാവുവേട്ട; റെയ്ഡ് തുടരുന്നു

By kvarthakgd1Nov 6, 2017, 19:56 IST

മഞ്ചേശ്വരം: (www.kasargodvartha.com 06.11.2017) മഞ്ചേശ്വരത്ത് വന്‍ കഞ്ചാവ് വേട്ട. കടമ്പാറിലെ ഒരു ആളൊഴിഞ്ഞ പറമ്പില്‍ നിന്നാണ് വന്‍ കഞ്ചാവ് ശേഖരം പിടികൂടിയത്. അതേസമയം പ്രതികള്‍ ഓടിരക്ഷപ്പെട്ടതായി പോലീസ് പറഞ്ഞു.

രഹസ്യ വിവരം ലഭിച്ചതിന്റെ അടിസ്ഥാനത്തില്‍ മഞ്ചേശ്വരം എസ് ഐ അനൂപ് കുമാറും സംഘവും നടത്തിയ പരിശോധനയിലാണ് കഞ്ചാവ് കണ്ടെത്തിയത്. രക്ഷപ്പെട്ട പ്രതികള്‍ക്കായി പോലീസ് തിരച്ചില്‍ ആരംഭിച്ചു. സംഭവത്തില്‍ കേസെടുത്ത് അന്വേഷണം തുടങ്ങി. സംശയമുള്ളവരുടെ താവളങ്ങളില്‍ റെയ്ഡ് നടത്തുമെന്ന് പോലീസ് സൂചിപ്പിച്ചു.

പിടികൂടിയ കഞ്ചാവിന് 50 കിലോയോളം തൂക്കം വരും.