ബിസിനസ് തട്ടിപ്പ് കേസില്‍ ഒളിവില്‍പോയ യുവാവ് അറസ്റ്റില്‍
Jul 30, 2012, 14:03 IST
 |
| Thameem |
മുഹമ്മദ് കുഞ്ഞിയില്‍ നിന്ന് തമീം ആദ്യം 10 ലക്ഷം രൂപയും തുടര്‍ന്ന് 15 ലക്ഷം രൂപയും കൊച്ചിയില്‍ ബിസിനസ് ഗ്രൂപ്പില്‍ പങ്കാളിയാക്കാമെന്ന് പറഞ്ഞ് നിക്ഷേപമായി വാങ്ങിയിരുന്നു. പതിനൊന്ന് മുതല്‍ പതിനഞ്ചു ശതമാനം വരെ ലാഭവിഹിതം നല്‍കാമെന്നായിരുന്നു വാഗ്ദാനം. എന്നാല്‍ ലാഭവിഹിതം കിട്ടാതായപ്പോള്‍ മുഹമ്മദ്കുഞ്ഞി കൊച്ചിയില്‍ നടത്തിയ അന്വേഷണത്തിലാണ് തമീം പറഞ്ഞിരുന്ന കൊച്ചി സ്റ്റഡ് ബിസിനസ് ഗ്രൂപ്പ് എന്ന സ്ഥാപനമില്ലെന്നും തന്നെ വഞ്ചിച്ചതാണെന്നും മനസ്സിലാക്കിയത്. തുടര്‍ന്ന് മുഹമ്മദ് കുഞ്ഞി പോലീസില്‍ പരാതി നല്‍കുകയായിരുന്നു. തമീമിന്റെ പിതാവ് ഹമീദ് കരിപ്പോടി, മാതാവ് നസിയ, ഭാര്യ നിഷാന എന്നിവര്‍ നേരത്തെ പോലീസില്‍ കീഴടങ്ങിയിരുന്നു. ഇതോടെ തമീം ഒളിവില്‍ കടക്കുകയായിരുന്നു.
സ്റ്റഡ് ബിസിനസ് ഗ്രൂപ്പിന്റെ പേരില്‍ തമീം നടത്തിയ തട്ടിപ്പ് സംബന്ധിച്ച് കൂടുതല്‍ പരാതികള്‍ പോലീസിന് ലഭിച്ചിട്ടുണ്ട്.
Keywords: Kasaragod, Case, Arrest, Business, Kerala, Cheating, Thameem
Tags
Share this story
